ALÞJ2FL05

• Í félagslegri landafræði er verið að skoða heiminn með tilliti til þess hvernig við notum jörðina, fjölbreytileika þeirra menninga sem mennirnir hafa skapað og hvernig umhverfið hefur mótað samfélög manna.
• Fólksfjölgun og áskoranir tengdar henni eru skoðaðar ásamt því sem áhrif hnattvæðingar eru skoðaðar í þaula.
• Nemendur kynna sér borgarskipulag og mikilvægi borga í heiminum. Ásamt þessum alþjóðlegu viðfangsefnum er einnig settur fókus á landafræði Íslands ásamt því að nemendur skoða landið út frá auðlindum þess með sérstakri áherslu á tækifærum Íslands sem ferðamannaland.
• Að lokum þurfa nemendur einnig að kunna skil á landaskipan í heiminum og þekkja helstu náttúrufyrirbrigði á korti.
• Kennsluaðferðir eru margvíslegar. Samræður, fyrirlestrar kennara, verkefnavinna og kynningar nemenda.
• Gert er ráð fyrir að nemendur sæki kennslustundir og taki virkan þátt í umræðum og verkefnavinnu. 

Námsmat er útfært í kennsluáætlun í samræmi við skólanámskrá.

Nemandi skal hafa öðlast þekkingu og skilning á:

• Hugtökum, kenningum, viðfangsefnum og aðferðum greinarinnar. 

• Þýðingu greinar fyrir upplýsta samfélagslega umræðu og gagnrýna hugsun. 

• Helstu gerðir og hlutverk borgarskipulags. 

   

• Menningu og hvernig umhverfið mótar menninguna. 

• Kenningum um mannfjöldabreytingar. 

• Landaskipan heimsins ásamt ýmsum áfangastöðum ferðamanna á Íslandi. 

Nemandi skal hafa öðlast leikni í að:

• Beita skilvirkum vinnubrögðum og sýna frumkvæði og samvinnu við nám og störf.

• Taka þátt í umræðu og greina landfræðileg málefni á gagnrýninn hátt. 

• Nota lykilhugtök fræðigreinarinnar. 

• Beita kenningum á viðfangsefni greinar og við lausn hagnýtra verkefna. 

• Lesa almennar upplýsingar úr landakortum hvað varðar vegalengdir, hæðarlínur og staðsetningu ýmissa þátta svo sem stærð þorpa og bæja, vegakerfi og samgöngur. 

• Skilgreina og nota mikilvæg lýðfræðileg hugtök, t.d. aldursskiptingu, fæðingar- og dánartíðni, barnadauða, meðalævi, lífslíkur, offjölgun og búsetumynstur. 

Nemandi skal geta hagnýtt þá almennu þekkingu og leikni sem hann hefur aflað sér til að:

• Taka þátt í málefnalegum umræðum. 

• Rökræða skoðanir annarra á yfirvegaðan og fordómalausan hátt. 

• Efla siðferðilega dómgreind sína. 

• Greina áhrif umhverfis, sögu og menningar á stöðu ríkja í alþjóðasamfélaginu. 

• Sýna frumkvæði í verkum sínum og samskiptum. 

• Tileinka sér gagnrýna hugsun og sjálfstæð vinnubrögð í faginu. 

• Gera sér grein fyrir samspili viðhorfa, umburðalyndis og fordóma. 

• Auka framtíðarmöguleika sína í áframhaldandi námi eða starfi og daglegum viðfangsefnum. 

• Finna, meta og greina heimildir og nýta þær í hagnýtum tilgangi.  

• Gera þætti um málefni er snúa að landafræðilegum viðfangsefnum.