EÐLI3VE05

• Áfanginn tekur mið af heimildaöflun og rannsóknarvinnu.
• Lögð er áhersla á að nemandi samþætti þá þekkingu og færni sem hann hefur tileinkað sér í EÐLI1DL05, EÐLI2BY05, EÐLI3RA05 og JARÐ2JE05 með sérstakri áherslu á eðlisfræði.
• Meginmarkmið áfangans er að brjóta niður veggi milli fyrri áfanga og greina, rifja upp efni þeirra og setja það í víðara samhengi en áður hefur verið gert.
• Hver nemandi vinnur einstaklings heimildaverkefni.
• Nemendur framkvæma rannsókn/athugun í hópavinnu og vinna rannsóknarskýrslu og veggspjald úr rannsókninni.
• Þeir kynna rannsókn sína fyrir samnemendum með fyrirlestri.
• Einnig kynna þeir veggspjaldið á Vísindaráðstefnu skólans.
• Nemendur velja efnisþætti í samráði við kennara hverju sinni.
• Sjálfstæð vinnubrögð nemenda eru höfð í fyrirrúmi með leiðsögn frá kennara.

Dagbók sem er haldin yfir önnina, heimildaritgerð sem er unnin út frá áhugasviði nemenda, rannsóknarskýrsla sem byggir á eigin rannsókn/athugun nemenda, fyrirlestur um rannsóknina/athugunina og veggspjald þar sem verkefnið er kynnt á Vísindaráðstefnu skólans. Einkunn áfangans byggir á símati.

EÐLI1DL05, EÐLI2BY05, EÐLI3RA05 og JARÐ2JE05.

Nemandi skal hafa öðlast þekkingu og skilning á:

• Sérhæfðum sviðum eðlisfræðinnar/jarðeðlisfræðinnar.

• Sérhæfðum orðaforða á íslenskri og enskri tungu sem nýtist til undirbúnings fyrir frekara nám.

• Sérhæfðri rannsóknarvinnu fræðigreinarinnar eðlisfræði.

Nemandi skal hafa öðlast leikni í að:

• Gera raunhæfar áætlanir um skrif heimildaritgerða og rannsóknir.

• Nýta sér rannsóknartæki og hugbúnað í tengslum við sérhæfð verkefni.

• Nýta sér upplýsinga- og samskiptatækni.

• Safna upplýsingum, vinna úr þeim og miðla til annarra.

• Setja fram og túlka myndir og gröf.

• Skipuleggja rannsóknarverkefni/athugun, framkvæma og útskýra út frá takmörkuðum fyrirmælum.

• Hagnýta sér tengsl milli stærðfræði og náttúru- og raungreina til úrlausnar verkefna.

• Tjá skoðanir sínar og verkefni á skýran hátt, draga ályktanir og rökstyðja í fræðilegu samhengi.

Nemandi skal geta hagnýtt þá almennu þekkingu og leikni sem hann hefur aflað sér til að:

• Auka skilning sinn á eðlisfræðilegum viðfangsefnum.

• Nýta sér þekkingu á meðferð heimilda.

• Beita mismunandi rannsóknaraðferðum og túlka niðurstöður.

• Yfirfæra og beita þekkingu úr einum efnisþætti eða fleirum við lausn verkefna í öðrum efnisþáttum og greina samhengi þar á milli.

• Yfirfæra og beita þekkingu úr einum efnisþætti eða fleirum við lausn verkefna í öðrum efnisþáttum og greina samhengi þar á milli.

• Útskýra, greina, draga ályktun af og miðla niðurstöðum rannsóknar.

• Taka þátt í og stjórna upplýstri umræðu um málefni er snerta vísindi, tækni og samfélag.

• Taka þátt í vísindaráðstefnu þar sem skipst er á skoðunum eftir kynningar á rannsóknarverkefnum.

• Taka ábyrgð á eigin námi.