EFNA2AE05

Almenn efnafræði

  • Einingar5

Hefðbundin kennsla fer fram í kennslutímum, þar sem hvatt er til umræðu og fyrirspurna eftir því sem tilefni gefast til. Mikil áhersla er lögð á dæmareikning. Auk þessa eru verklegar æfingar í raungreinastofu. Í raungreinastofu er tölvubúnaður sem gerir nemendum…

  • Hefðbundin kennsla fer fram í kennslutímum, þar sem hvatt er til umræðu og fyrirspurna eftir því sem tilefni gefast til.
  • Mikil áhersla er lögð á dæmareikning.
  • Auk þessa eru verklegar æfingar í raungreinastofu.
  • Í raungreinastofu er tölvubúnaður sem gerir nemendum kleift að skrá niðurstöður og vinna verkefni úr tilrauninni.
  • Nemendum er ætlað að tileinka sér og öðlast skilning á efni kennslutexta og viðbótarefni sem fram kemur í kennslustundum.

Lokapróf, annarpróf, verklegar æfingar, heimadæmi.

    Nemandi skal hafa öðlast þekkingu og skilning á:

  • Efnum og efnabreytingum.

  • Efnaformúlum og nafngiftum efna.

  • Tölu Avogadros, móli, atómmassa, mólmassa.

  • Efnahvörfum og efnajöfnum.

  • Eiginleikum vatnslausna.

  • Helstu flokkum efnahvarfa í vatnslausn.

  • Mólstyrk og hlutfallareikningum.

  • Gaslögmálunum og kjörgasjöfnunni.

  • Helstu umgengnisreglum og öryggisatriðum í tilraunastofu.

    Nemandi skal hafa öðlast leikni í að:

  • Gefa efnasamböndum nafn og rita formúlur þeirra.

  • Beita mólhugtakinu í dæmareikningi.

  • Skrifa og stilla efnajöfnur.

  • Leysa hlutfallareikning samkvæmt stilltum efnajöfnum.

  • Vinna að magnbundnum útreikningum.

  • Beita gaslögmálunum og kjörgasjöfnunni.

  • Framkvæma einfaldar verklegar æfingar í tilraunastofu.

    Nemandi skal geta hagnýtt þá almennu þekkingu og leikni sem hann hefur aflað sér til að:

  • Beita skipulegum aðferðum við úrlausn dæma.

  • Túlka orðadæmi, setja upp jöfnur og leysa þær með viðeigandi mælieiningum.

  • Beita gagnrýninni hugsun og sýna innsæi og útsjónarsemi við lausnir verkefna.

  • Skrá lausnir sínar skipulega og útskýra þær í rituðu máli.