EFNA3LT05

• Hefðbundin kennsla fer fram í kennslutímum, þar sem hvatt er til umræðu og fyrirspurna eftir því sem tilefni gefast til.
• Mikil áhersla er lögð á dæmareikning.
• Auk þessa eru verklegar æfingar í raungreinastofu.
• Í raungreinastofu er tölvubúnaður sem gerir nemendum kleift að hefja skýrslugerð og útreikninga jafnframt tilrauninni.
• Lögð er áhersla á að nemendur noti tölvuforrit við úrvinnslu niðurstaðna.
• Nemendum er ætlað að tileinka sér og öðlast skilning á efni kennslutexta og viðbótarefni sem fram kemur í kennslustundum.
• Einnig eiga þeir að ná tökum á skýrslugerðarformi og tölfræðilegri úrvinnslu gagna í verklegum tilraunum.

Lokapróf, annarpróf, verklegar æfingar, heimadæmi.

EFNA2AE05.

Nemandi skal hafa öðlast þekkingu og skilning á:

• Skammtatölum, lögun og legu svigrúma, rafeindaskipan frumefna í grunnástandi.

• Lotubundnum eiginleikum frumefna.

• Lewis-myndum.

• Lögun og skautun sameinda, VSEPR byggingum sameinda, svigrúmablöndun atómsvigrúma, sameindasvigrúmum (MO) tvíatóma sameinda.

• Vökvum og föstum efnum: jónaefnum og málmum, veikum efnatengjum, hamskiptum.

• Fasalínuritum.

• Magnbundnum eiginleikum lausna.

Nemandi skal hafa öðlast leikni í að:

• Rita rafeindaskipan frumefna í grunnástandi.

• Álykta um hlutfallslega stærð atóma og atómjóna.

• Álykta um eiginleika frumefna út frá staðsetningu þeirra í lotukerfinu.

• Rita Lewispunktaformúlur efna.

• Reikna hvarfavarma út frá tengjaentalpíu.

• Spá fyrir um lögun og skautun sameinda út frá VSEPR líkaninu og teikna þær í þrívídd.

• Ákvarða svigrúmablöndun atóma í sameind.

• Teikna MO myndir.

• Útskýra eiginleika fastra efna og vökva út frá kröftum milli sameinda.

• Túlka fasalínurit.

• Framkvæma einfaldar verklegar æfingar í tilraunastofu.

Nemandi skal geta hagnýtt þá almennu þekkingu og leikni sem hann hefur aflað sér til að:

• Beita skipulegum aðferðum við úrlausn dæma.

• Túlka orðadæmi og klæða þau í stærðfræðilegan búning.

• Setja upp jöfnur og leysa þær með viðeigandi mælieiningum.

• Leggja mat á úrlausnir sínar og álykta um hvort þær standist.

• Beita gagnrýninni hugsun og sýn innsæi og útsjónarsemi við lausnir verkefna.

• Skrá lausnir sínar skipulega og útskýra þær í rituðu máli.

• Þróa skilning sinn á efnisheiminum.

• Átta sig á hlutverki efnatengja í heiminum.

• Víkka skilning sinn á því hvernig lögun efna hefur áhrif á efnahvörf og efniseiginleika.