FÉLA2MK05

• Áfanginn er tvískiptur, annars vegar er fjallað um menningu frá sjónarhorni ólíkra félagsgreina, áherslan er einkum á evrópska og íslenska menningu og birtingarmyndir hennar með lestri greina og bóka. Hins vegar er kafað dýpra í ýmis hugtök kynja- og jafnréttisfræða sem nemendur fóru í á 1. ári; staða kynjanna í samfélaginu greind og skoðuð. Birtingarmyndir kynjamisréttis og annars félagslegs misréttis eru ræddar og áhrif þess á persónulega hamingju og samfélagslega velsæld sett í samhengi. Meðal umfjöllunarefna eru vændi, kynhlutverk, klám, ofbeldi, mansal, staðalmyndir og fjölmiðlar.
• Áhersla er lögð á virkni nemenda og fjölbreytni í gagnanotkun og framsetningu.
• Verkefnin felast í skriflegum verkefnum þar sem tekin er sjálfstæð afstaða til fyrirliggjandi námsefnis og hóp- og paraframsöguverkefnum og nemendur vinna jafnt og þétt að sameiginlegri fréttaveitu alla önnina.
• Gert er ráð fyrir að nemendur sæki kennslustundir og taki virkan þátt í umræðum og verkefnavinnu. 

FÉLA2ME05.

Nemandi skal hafa öðlast þekkingu og skilning á:

• Hugtökum, kenningum, viðfangsefnum og aðferðum helstu félagsgreina.

• Mismunandi sjónarhorn ólíkra félagsgreina á menningu.

• Orsökum mismunandi menningar við ólíkar aðstæður.

• Þýðingu menningar og mismunandi birtingarmynda hennar.

• Þýðingu menningarfræði fyrir upplýsta samfélagslega umræðu og gagnrýna hugsun.

• Hugmyndum og umræðum um gildi mismunandi menningar.

• Helstu sérkennum íslenskrar menningar í samanburði við evrópska menningu.

• Stöðu kynjanna í samfélögum nær og fjær.

• Birtingarmyndum misréttis.

• Áhrifum fjölmiðla og staðalmynda á sjálfsmynd.

• Tengslum kynhlutverka og vinnumarkaðar.

• Samhengi félagsmótunar, viðhorfa og væntinga.

• Mikilvægi vitundarvakningar á félagslegum vandamálum.

• Hugtökum kynjafræðinnar.

Nemandi skal hafa öðlast leikni í að:

• Setja viðfangsefni fram á skýran, aðgengilegan og fjölbreyttan hátt. 

• Temja sér skilvirk vinnubrögð, frumkvæði og samvinnu við nám og störf.

• Verja rökstudda afstöðu sína.

• Taka þátt í umræðu og greina samfélagsleg málefni á gagnrýninn hátt.

• Beita kenningum á viðfangsefni greinar og við lausn hagnýtra verkefna.

• Beita upplýsingatækni við þekkingarleit.

Nemandi skal geta hagnýtt þá almennu þekkingu og leikni sem hann hefur aflað sér til að: 

• Taka þátt í málefnalegum umræðum.

• Rökræða skoðanir annarra á yfirvegaðan og fordómalausan hátt.

• Útskýra menningu og viðhorf fólks á ýmsum stöðum og tímum.

• Efla siðferðilega dómgreind sína.

• Greina upplýsingar og efni fjölmiðla um menningu á gagnrýninn hátt.

• Greina áhrif umhverfis og sögu á menningu.

• Sýna frumkvæði í verkum sínum og samskiptum.

• Auka framtíðarmöguleika sína í áframhaldandi námi eða starfi og daglegum viðfangsefnum.