FJÁM2TP05

• Í áfanganum læra nemendur um fjárfestingar og þær aðferðir sem beitt er til þess að meta hagkvæmni þeirra.
• Þá er farið í helstu tegundir verðbréfa, skuldabréfa og hlutabréfa og virðingu þeirra.
• Kennsluhættir eru í formi fyrirlestra, umræðutíma, dæmatíma og verkefnavinnu.
• Lögð er áhersla á að nemendur geti nýtt tölvutæknina við lausn verkefna og geti skilað verkefnum á tölvutæku formi.
• Markmið er að kennsluhættir stuðli að sjálfstæðum vinnubrögðum nemenda.
• Námsefni áfangans má gróflega skipta í þrennt.
  • 1) Umfjöllun um fjárfestingar og útreikningar tengdir þeim. Nemendur læra að meta núvirði fjárfestinga miðað við gefnar forsendur og í framhaldinu ákvarða hvort fjárfesting sé arðbær eða ekki.
  • 2) Umfjöllun um algengustu tegundir skuldabréfa og útreikningum tengdum þeim. Nemendur læra m.a. um mismunandi greiðsluflæði mismunandi skuldabréfa og hvernig samspil ávöxtunarkröfu og greiðsluflæðis hefur áhrif á markaðsvirði skuldabréfa.
  • 3) Umfjöllun um hlutabréf og kennitölur.
• Nemendur læra að meta virði hlutafjár miðað við gefnar forsendur og mynda sér skoðun á rekstrar- og fjárhagslegri stöðu fyrirtækis.

Í lok áfangans er skriflegt lokapróf sem gildir á móti ýmis konar vinnu, verkefnum og ástundun nemandans á önninni.

HAGF1ÞF05.

Nemandi skal hafa öðlast þekkingu og skilning á:

• Mismunandi sparnaðarleiðum einstaklinga.

• Tímagildi fjármagns og grundvallar þýðingu þess í fjármálum.

• Vísitölum, hlutverki þeirra og notkun.

• Ávöxtunarkröfu og fjármagnskostnaði sem og áhrifaþætti þessara fjármálhugtaka.

• Helstu markaðsverðbréfum á íslenskum verðbréfamarkaði og hlutverk kauphalla í verðbréfaviðskiptum.

• Helstu tegundum skuldabréfa.

• Mikilvægi fjárfestinga í þjóðfélaginu og hvernig á að meta hagkvæmni þeirra.

Nemandi skal hafa öðlast leikni í að:

• Reikna arðsemi mismunandi fjárfestingavalkosta.

• Reikna markaðsverðmæti/gengi mismunandi tegunda skuldabréfa út frá ávöxtunarkröfu markaðarins.

• Reikna virði hlutabréfa út frá sjóðsstreymisaðferð.

• Reikna vísitölur og túlka niðurstöður þeirra.

• Reikna út helstu kennitölur sem notaðar eru við mat á hlutabréfum og hlutafélögum.

• Fást við einfalda útreikninga tengda áhrifum fjármögnunar á virði hlutafélaga.

Nemandi skal geta hagnýtt þá almennu þekkingu og leikni sem hann hefur aflað sér til að:

• Hagnýta sér netið til öflunar og túlkunar fjármálalegra upplýsinga.

• Fylgjast með verðbréfamarkaðnum og gera sér grein fyrir og meta hvers vegna sveiflur verða á honum og leggja mat á áhrif þeirra.

• Fylgjast með umræðunni um fjárfestingar og þýðingu þeirra fyrir hagkerfið.

• Skilja og meta hvað liggur að baki arðsemismati tiltekinnar fjárfestingar.

• Túlka og greina rekstrarhorfur fyrirtækja út frá ársreikningum.

• Búa til líkön í Excel til lausnar á fjárfestingavalkostum.

• Beita gagnrýnni hugsun í einstaklings- og hópavinnu við lausn fjármálatengdra úrlausnarefna.