FRAN1FA05

Byrjendaáfangi í frönsku

  • Einingar5

Nemendur eru þjálfaðir í að skilja einfalt talað mál, tjá sig munnlega og skriflega á einfaldan hátt. Einnig eru þeir þjálfaðir í að lesa einfalda texta. Nemendur eru æfðir í framburði með talæfingum og mikil áhersla er lögð á hlustunaræfingar…

  • Nemendur eru þjálfaðir í að skilja einfalt talað mál, tjá sig munnlega og skriflega á einfaldan hátt.
  • Einnig eru þeir þjálfaðir í að lesa einfalda texta.
  • Nemendur eru æfðir í framburði með talæfingum og mikil áhersla er lögð á hlustunaræfingar svo að smátt og smátt geti nemendur skilið venjulegt franskt tal- og ritmál og öðlist þá undirstöðu í frönsku að þeir geti fljótlega bjargað sér í frönskumælandi umhverfi.
  • Í áfanganum kynnast nemendur franskri menningu og samfélagi og eru þeir þjálfaðir í að nýta sér gagnlega hjálparmiðla á Netinu, svo sem orðabækur.
  • Áfanginn er á stigi A1 samkvæmt evrópska tungumálarammanum.

Nota skal fjölbreytt námsmat sem endurspeglar markmið áfangans í öllum færniþáttum í samræmi við evrópsku tungumálamöppuna. Í lok áfangans er skriflegt próf úr efni áfangans sem gildir á móti vinnu og ástundun nemandans á önninni.

    Nemandi skal hafa öðlast þekkingu og skilning á:

  • Þeim orðaforða sem nauðsynlegur er til að mæta hæfniviðmiðum áfangans.

  • Nokkrum grundvallarþáttum franska málkerfisins.

  • Menningu, helstu samskiptavenjum og siðum í frönskumælandi löndum, sér í lagi Frakklandi.

  • Uppbyggingu einfaldra texta.

    Nemandi skal hafa öðlast leikni í að:

  • Skilja talað mál um kunnugleg efni þegar talað er hægt og skýrt.

  • Lesa einfalda texta sem innihalda algengan orðaforða til að mæta markmiðum áfangans.

  • Taka þátt í einföldum samræðum um kunnugleg málefni.

  • Skrifa einfaldan texta um þekkt efni eða áhugasvið.

  • Beita helstu reglum um málnotkun í ræðu og riti.

  • Nota upplýsingatækni og hjálpargögn í tungumálanámi.

    Nemandi skal geta hagnýtt þá almennu þekkingu og leikni sem hann hefur aflað sér til að:

  • Greina einfaldar upplýsingar í mæltu máli.

  • Skilja meginatriði einfaldra texta.

  • Tjá sig munnlega og skriflega á einfaldan hátt um efni sem hann þekkir og eru úr hans umhverfi.

  • Takast á við aðstæður í einföldum samskiptum þar sem hann er aðstoðaður við að koma orðum að því sem hann vill segja.

  • Tileinka sér jákvætt viðhorf til námsins.

  • Geta metið eigið vinnuframlag og stöðu.