FRAN2FD05

• Byggt er markvisst á þeirri kunnáttu sem nemendur hafa nú þegar tileinkað sér.
• Haldið er áfram að þjálfa nemendur jöfnum höndum í öllum færniþáttum tungumálsins, hlustun, lestri, tali og ritun í samræmi við evrópska tungumálarammann.
• Áhersla er lögð á tjáningu í töluðu og rituðu máli og að auka orðaforða og unnið með flóknari formgerð frönskunnar.
• Nemendur kynnast enn frekar menningu frönskumælandi landa.
• Áhersla er lögð á að nemendur geti notað kunnáttu sína við fjölbreyttar aðstæður daglegs lífs.
• Áfanginn er á stigi A2 samkvæmt evrópska tungumálarammanum.

Beita skal fjölbreyttu námsmati sem endurspeglar markmið áfangans í öllum færniþáttum í samræmi við evrópska tungumálarammann. Lokaeinkunn byggir á mati á virkni og verkefnaskilum nemenda og á lokaprófi þar sem færniþættirnir lestur, hlustun, tal og ritun eru metnir jöfnum höndum. Dýpri og stærri verkefni skulu liggja til grundvallar vinnueinkunn.

FRAN1FC05.

Nemandi skal hafa öðlast þekkingu og skilning á:

• Þeim orðaforða sem nauðsynlegur er til að mæta hæfniviðmiðum áfangans.

• Öllum helstu grundvallarþáttum í uppbyggingu málkerfisins.

• Ýmsum almennum aðstæðum í daglegu lífi, menningu og siðum í Frakklandi og í öðrum frönskumælandi löndum.

• Útbreiðslu frönskunnar, ásamt ólíkum venjum, siðum, staðháttum og menningu frönskumælandi landa.

Nemandi skal hafa öðlast leikni í að:

• Skilja allvel talað mál um kunnugleg efni og greina aðalatriði í fjöl- og myndmiðlum þegar fjallað er um afmörkuð málefni.

• Lesa margskonar gerðir texta og vinna úr þeim á mismunandi hátt eftir því hver tilgangur með lestrinum er hverju sinni.

• Taka þátt í og tjá sig í samræðum um fyrirfram ákveðið efni sem hann hefur þekkingu og áhuga á.

• Skrifa styttri samfellda texta um efni sem hann þekkir, draga ályktanir og tjá eigin skoðanir og nota viðeigandi málfar.

• Nota upplýsingatækni og önnur hjálpargögn.

Nemandi skal geta hagnýtt þá almennu þekkingu og leikni sem hann hefur aflað sér til að:

• Fjalla á nokkuð ítarlegan hátt, munnlega og skriflega um efni sem hann þekkir.

• Eiga frumkvæði í samræðum og geta tekið þátt í skoðanaskiptum í málefnum sem hann þekkir.

• Tileinka sér aðalatriðin í frásögnum í fjöl- og myndmiðlum og átta sig á dýpri merkingu texta.

• Fjalla um atburði, ímyndaða og raunverulega á fjölbreyttari hátt en áður bæði munnlega og skriflega.

• Lesa sér til upplýsingar og ánægju efni af hæfilegu þyngdarstigi.

• Meta eigið vinnuframlag og stöðu sem og samnemenda sinna.

• Finna og nýta sér upplýsingar af netinu á frönsku á málefnum sem hann þekkir til.