HAGF1FJ03

Áfanginn er grunnáfangi í fjármálalæsi. Fjármálalæsi felst í að gera nemendum grein fyrir mikilvægi þess að vera upplýstir við ákvarðanatöku, t.d. mismunandi tegundir lára og mismunandi tegundir vaxta. Nemendur fá þjálfun í gagnrýninni hugsun í tengslum við málefni hagkerfisins.

Nemandi skal hafa öðlast þekkingu og skilning á:

• Launum, launaútreikningum og ráðstöfunartekjum.

• Heimilisbókhaldi.

• Sköttum og stattaframtali.

• Hlutverki lífeyrissjóða.

• Peningum og greiðslukortum.

• Erlendum gjaldmiðlum.

• Vöxtum og vaxtaútreikningum.

• Verðbólgu og verðtryggingu.

• Sparnaði og mismunandi sparnaðarformum.

• Lánum og helstu lánareikningum.

Nemandi skal hafa öðlast leikni í að:

• Lesa og skilja fréttir um efnahagsmál.

• Safna upplýsingum og taka upplýstar ákvarðanir.

• Umreikna milli gjaldmiðla.

• Reikna einfalda launaútreikninga.

• Reikna einföld jafnafborgunarlán.

• Reikna og túlka hagstærðir eins og verðbólgu og vexti.

Nemandi skal geta hagnýtt þá almennu þekkingu og leikni sem hann hefur aflað sér til að:

• Taka þátt í umræðum um hagfræðileg málefni.

• Geta tekið upplýstar ákvarðanir í eigin þágu.

• Þekkja ólík lánaform.

• Átta sig á hvernig hagkerfi starfar og helstu verkefnum sem aðilar hagkerfisins takast á við.

• Vera læs á samfélagið.