HAGF1ÞF05

• Áfanginn er grunnáfangi í hagfræði og fjármálalæsi.
• Nemendur fá innsýn í helstu hugtök hagfræðinnar, hlutverk hins opinbera, utanríkisviðskipti, viðskiptasiðfræði og önnur tengd málefni.
• Kennsla er í formi verkefnavinnu, umræðutíma og fyrirlestra.
• Nemendur fá þjálfun í gagnrýnni hugsun í tengslum við málefni hagkerfisins og eigin fjármála.

Námsmat áfangans er í formi verkefnavinnu og lokaprófs.

Nemandi skal hafa öðlast þekkingu og skilning á:

• Helstu hugtökum hagfræðinnar.

• Hvernig hlutverki hins opinbera er háttað.

• Mikilvægi utanríkisviðskipta fyrir hagkerfi eins og það íslenska.

• Gengi gjaldmiðla og áhrif gengis á viðskipti í víðum skilningi.

• Mikilvægi siðferðis í viðskiptum.

• Hlutverki kosninga í lýðræðisþjóðfélagi.

• Hlutverki sveitarfélaga og verkefnum þeirra.

Nemandi skal hafa öðlast leikni í að:

• Lesa og skilja fréttir um hagfræðileg málefni.

• Afla sér upplýsinga um hagfræðileg málefni.

• Reikna og túlka hagstærðir eins og verðbólgu, vexti, hagvöxt og fleira.

• Gera sitt eigið skattframtal.

Nemandi skal geta hagnýtt þá almennu þekkingu og leikni sem hann hefur aflað sér til að:

• Taka þátt í umræðum um hagfræðileg málefni.

• Tekið upplýstar ákvarðanir um eigin fjármál.

• Gera sér grein fyrir hvernig hagkerfi starfar og helstu verkefnum sem aðilar hagkerfisins takast á við.

• Vera læs á samfélagið og helstu stoðir hagkerfisins.