HAGF1ÞJ03

Áfanginn er grunnáfangi í hagfræði. Nemendur fá innsýn í helstu hugtök þjóðhagfræðinnar, eins og eftirspurn og framboð, hagvöxt, utanríkisviðskipti og önnur tengd málefni. Nemendur fá þjálfun í gagnrýnni hugsun í tengslum við málefni hagkerfisins.

Nemandi skal hafa öðlast þekkingu og skilning á:

• Helstu hugtökum hagfræðinnar.

• Helstu hagstærðum í hagkerfinu.

• Hvernig hlutverki hins opinbera er háttað.

• Mikilvægi utanríkisviðskipta fyrir hagkerfi eins og það íslenska.

• Líkönum og gröfum í hagfræði.

Nemandi skal hafa öðlast leikni í að:

• Lesa og skilja fréttir um hagfræðileg málefni.

• Afla sér upplýsinga um hagfræðileg málefni.

• Reikna og túlka hagstærðir eins og verðbólgu, hagvöxt og fleira.

• Setja fram upplýsingar á myndrænan hátt.

• Lesa upplýsingar úr hagfræðilegum framsetningum.

Nemandi skal geta hagnýtt þá almennu þekkingu og leikni sem hann hefur aflað sér til að:

• Taka þátt í umræðum um hagfræðileg málefni.

• Gera sér grein fyrir hvernig hagkerfi starfar og helstu verkefnum sem aðilar hagkerfisins takast á við.

• Vera læs á samfélagið og helstu stoðir hagkerfisins.