HELI2HS05

• Í þessum áfanga eru nemendur kynntir fyrir heimspekilegri hugsun með sérstakri áherslu á skapandi hugsun og heimspeki lista.
• Vinna áfangans fer fyrst og fremst fram í samræðum en jafnframt fá nemendur tækifæri til að tjá hugsun sína með fjölbreytilegum hætti.
• Nemendur eru kynntir fyrir heimspekilegri hugsun með sérstakri áherslu á skapandi og gagnrýna hugsun og heimspeki lista.
• Unnið verður með efni úr vestrænni heimspekihefð en jafnframt litið til austurs.
• Vinna áfangans fer fyrst og fremst fram í samræðum, auk þess að nemendur fá tækifæri til að fást við efni áfangans með aðferðum mynd- og leiklistar.

Mat á áfanganum byggir á þátttöku í tímum og fjölbreyttri verkefnavinnu þar sem nemendur fá tækifæri til að tjá hugsun sína í ýmsum miðlum.

Nemandi skal hafa öðlast þekkingu og skilning á:

• Rökum og rökstuðningi.

• Rökvillum.

• Afstæði og algildi.

• Tvíhyggju og efnishyggju.

• Kenningum um sjálfið.

• Austrænni heimspeki og núvitund.

• Kenningum um eðli lista og fegurðar.

Nemandi skal hafa öðlast leikni í að:

• Greina góð rök í máli fólks.

• Ljá hugsun sinni búning.

• Vera gagnrýninn í hugsun og tjáningu.

• Vera skapandi í hugsun og tjáningu.

• Hlusta.

Nemandi skal geta hagnýtt þá almennu þekkingu og leikni sem hann hefur aflað sér til að:

• Hlusta á málflutning og lesa texta og greina hann með gagnrýnum hætti, m.a. með því að finna rökvillur (t.d. auglýsingar).

• Setja hugsun sína fram með skýrum hætti munnlega og skriflega.

• Finna skapandi lausnir á vandamálum og setja þær fram með fjölbreytilegum hætti.

• Taka þátt og jafnvel leiða samræður um krefjandi spurningar þar sem ekki er um einfalda lausn að ræða.

• Beita heimspekilegum hugmyndum í leik og starfi og stuðla að andlegu og félagslegu jafnvægi hjá sjálfum sér og í hóp.