ÍSLE2GF05

• Nemendur lesa norræna goðafræði og kynnast hugmyndaheimi norrænna manna til forna.
• Þeir vinna ýmis skapandi verkefni úr goðafræðinni þar sem þeir nýta upplýsingatækni við flutning og frágang verkefna.
• Nemendur kynnast fornum kveðskap og vinna verkefni sem miða að því að auka skilning þeirra á fornu máli og samfélagi. Auk þess leitast nemendur við að setja miðaldabókmenntir í samhengi við sinn eigin samtíma og meta merkingu hans fyrir nútímann.
• Nemendur vinna bæði munnleg og skrifleg verkefni, túlka textana og bera saman við eigin reynslu og hugmyndaheim. Þeir kynnast efni á sviði lista og margmiðlunar sem hæfir áfanganum, svo og efni á Netinu.
• Nemendur fá þjálfun í notkun heimilda.

Skrifleg loka- og skyndipróf, ritunarverkefni og ýmis hópverkefni.

ÍSLE2RM06.

Nemandi skal hafa öðlast þekkingu og skilning á:

• Mismunandi tegundum bókmennta og norrænni goðafræði.

• Helstu hugtökum í ritgerðasmíð.

Nemandi skal hafa öðlast leikni í að:

• Rita texta þar sem nemandinn beitir gagnrýninni hugsun og kemur skoðunum sínum á framfæri á greinargóðan hátt.

• Flytja af nokkru öryggi ræður, endursagnir, lýsingar og kynningar á tilteknu málefni.

• Lesa bókmenntaverk frá ýmsum tímum og fjalla um inntak þeirra.

• Vinna á skapandi hátt verkefni í tengslum við námsefnið.

Nemandi skal geta hagnýtt þá almennu þekkingu og leikni sem hann hefur aflað sér til að:

• Vinna að skapandi verkefnum í tengslum við námsefnið og sýna töluverð tilbrigði í málnotkun.

• Beita skýru, lýtalausu og blæbrigðaríku máli í ræðu og riti.

• Taka þátt í málefnalegum umræðum, byggja upp skýra röksemdafærslu, tjá afstöðu og efasemdir um efnið og komast að niðurstöðu.

• Túlka texta þó merkingin liggi ekki á yfirborðinu.

• Tengja íslenskuna við fortíð og framtíð.

• Tengja íslenska fornmenningu við nútímamenningu.

• Skilja eðli og tilgang goðsagna í fornum samfélögum.

• Útskýra eðli og þróun tungumála.