ÍSLE3ÞT05

• Nemendur lesa eina Íslendingasögu og vinna verkefni sem miða að því að auka skilning þeirra á íslensku máli og samfélagi að fornu og nýju.
• Leitast verður við að setja miðaldabókmenntir í samhengi við samtíma nemenda og meta merkingu þeirra fyrir nútímann.
• Nemendur öðlast færni í að lesa og skilja miðaldatexta, kynnast uppruna og frásagnarlist Íslendingasagna og átta sig á mikilvægi þess menningararfs sem þær hafa að geyma.
• Lesnar eru greinar um íslenska menningu og tungu á ýmsum tímum og vinna nemendur tjáningar- og ritunarverkefni upp úr þeim.
• Nemendur vinna heimildaritgerð um núlifandi, íslenskan listamann.

Námsmat byggir á vinnu nemandans yfir önnina og er tilgreint nánar í námsáætlun.

Nemandi skal hafa öðlast þekkingu og skilning á:

• Orðaforða sem nægir til að lesa helstu verk íslenskrar bókmenntasögu.

• Ritgerðarsmíð og heimildavinnu.

• Notkun forns menningararfs í nútímasamfélagi.

Nemandi skal hafa öðlast leikni í að:

• Vinna að heimildaritgerðum og hvers kyns texta þar sem beitt er gagnrýninni hugsun við úrvinnslu og koma efninu á framfæri á skýran og greinargóðan hátt á blæbrigðaríku máli.

• Skilja og nota viðeigandi stílbrögð, orðatiltæki og menningarlegar vísanir í tal- og ritmáli.

• Flytja af öryggi vel uppbyggða kynningu á krefjandi efni.

• Lesa sér til gagns og gamans texta á fornu íslensku máli.

• Nota upplýsingatækni við nám sitt.

• Að rita íslenskt mál samkvæmt reglum.

Nemandi skal geta hagnýtt þá almennu þekkingu og leikni sem hann hefur aflað sér til að:

• Skrifa skýran og vel uppbyggðan texta.

• Beita málinu á viðeigandi og árangursríkan hátt við mismunandi aðstæður.

• Taka þátt í málefnalegum umræðum, byggja upp skýra röksemdafærslu, tjá afstöðu og efasemdir um efnið og komast að niðurstöðu.

• Túlka texta fornbókmennta og þekkja mun á fornu og nútímamáli.

• Vinna að skapandi verkefnum í tengslum við námsefnið og sýna töluverð tilbrigði í málnotkun.

• Sýna frumkvæði og sjálfstæði í vinnubrögðum og upplýsinganotkun.