ÍÞRÓ1ÍD01

• Í áfanganum er lögð áhersla á að nemendur fái sem fjölbreyttasta hreyfingu sem reynir hæfilega á hjarta- og æðakerfið, vöðvastyrkingu og viðhaldi liðleika.
• Lögð er áhersla á Interval þjálfun með æfingarkerfum eins og tabata, kross-fit og stöðvahring, sem henta vel aðstöðunni.
• Einnig er unnið með knattleiki og almenna leiki.
• Nemendur fá bóklega fræðslu um grunnþætti líkamlegrar heilsu. m.a. fá nemendur fræðslu og æfingu í skyndihjálp.
• Áfram er unnið að „heilbrigðri sál í hraustum líkama“.

Námsmat er að mestu leyti byggt á ástundun og hæfni nemenda til að tileinka sér þekkingu og leikni ásamt líkamlegum mælingum sem eru í samræmi við það sem unnið er með hverju sinni.

Nemandi skal hafa öðlast þekkingu og skilning á:

• Ræktun líkama og sálar.

• Mikilvægi hreyfingar með tilliti til heilsueflingar og vellíðunar.

• Gildi hreyfingar fyrir líffærakerfi líkamans.

• Hvers virði hæfileg hreyfing er með tilliti til góðs lífsstíls til framtíðar.

• Æskilegri næringu.

• Framkvæmd líkamlegra (afkasta)mælinga – framkvæmd og úrvinnslu.

• Til að útskýra niðurstöður mælinga og meta niðurstöðurnar.

• Neikvæðum áhrifum vímuefnaneyslu á líkama og sál.

• Grunnatriðum skyndihjálpar.

Nemandi skal hafa öðlast leikni í að:

• Vinna sjálfstæð verkefni í hópi.

• Eiga samskipti við aðra nemendur.

Nemandi skal geta hagnýtt þá almennu þekkingu og leikni sem hann hefur aflað sér til að:

• Meta líkamlega, andlega og félagslega stöðu sína.

• Stunda þolþjálfun og þekkja greinarmun á loftháðri- og loftfirrtri þoluppbyggingu.

• Stunda styrktarþjálfun.

• Nærast á heilbrigðan hátt – með vitneskju um skaðsemi of- og vanneyslu.

• Forðast lífsstíl sem leitt getur til áunninna sjúkdóma – lífsstílssjúkdóma.

• Framkvæma (afkasta)mælingar og skýra frá niðurstöðum (fyrir hópinn).

• Forðast ávanabindandi eiturefni.

• Bregðast við og taka frumkvæði ef viðkomandi er staðsettur þar sem þörf er á fyrstu hjálp.