JARÐ3LV05

Lofthjúpurinn og veðurfar

  • Einingar5

Framhaldsáfangi í jarðfræði þar sem lögð er áhersla á lofthjúp jarðar og þá flóknu ferla sem stjórna veðurfari og loftslagi á jörðinni. Áhersla er lögð á loftslagsbreytingar og áhrif mannsins á þær. Nemendur vinna verkefni, sjálfstætt og í hópum þar…

  • Framhaldsáfangi í jarðfræði þar sem lögð er áhersla á lofthjúp jarðar og þá flóknu ferla sem stjórna veðurfari og loftslagi á jörðinni.
  • Áhersla er lögð á loftslagsbreytingar og áhrif mannsins á þær.
  • Nemendur vinna verkefni, sjálfstætt og í hópum þar sem lögð eru fyrir jarðfræðileg gögn.
  • Unnið er með heimildir á neti, í tímaritum og bókum.
  • Niðurstöður úr verkefnavinnu eru kynntar í stuttum fyrirlestrum og skýrslum.

Lokapróf, hlutapróf, einstaklingsverkefni, paraverkefni, hópverkefni, fyrirlestrar, veggspjöld, myndbönd, ritgerðir, vettvangsferðir, verklegar æfingar.

JARÐ2AJ05.

    Nemandi skal hafa öðlast þekkingu og skilning á:

  • Geislun sólar og rafsegulbylgjum í tengslum við hitastig.

  • Árstíðum.

  • Uppbyggingu og samsetningu lofthjúpsins.

  • Gróðurhúsaáhrifum.

  • Varmaflutningi í lofthjúpnum.

  • Myndun úrkomu.

  • Loft- og hafstraumakerfi jarðar.

  • Loftslagsbeltum jarðar.

  • Myndun og áhrifum veðurkerfa.

    Nemandi skal hafa öðlast leikni í að:

  • Skilja dægursveiflur í hita og vindstyrk á jörðinni.

  • Skilja áhrif afstöðu sólar og jarðar á árstíðir.

  • Skilja áhrif mannsins á hnattrænar loftslagsbreytingar.

  • Lesa í umhverfi sitt með tilliti til veðurfars og gróðurbelta.

  • Setja upp, lesa úr og túlka flókin gögn úr töflum og á myndrænu formi.

  • Nota gögn og heimildir í raunvísindum.

  • Setja fram og túlka kort og gröf.

    Nemandi skal geta hagnýtt þá almennu þekkingu og leikni sem hann hefur aflað sér til að:

  • Gera sér grein fyrir samhengi í náttúrunni út frá þeim ferlum sem stýra loftslagi á jörðinni.

  • Meta á gagnrýninn hátt og taka rökstuddar ákvarðanir er varða umgengni í náttúrunni í tengslum við mengun í lofthjúpi jarðar og hafinu.

  • Geta á sjálfstæðan hátt aflað sér upplýsinga um náttúruvísindalegt efni og metið það á gagnrýninn hátt.

  • Skilja upplýsingar um veðurfar og loftslag sem koma fram í fjölmiðlum og daglegri umfjöllun.

  • Meta áhrif mannsins á umhverfi sitt í hnattrænu samhengi.

  • Gera sér grein fyrir mun á skammtímabreytingum í veðurfari og langtímabreytingum í loftslagi.

  • Gera sér grein fyrir þeim breytingum sem orðið geta á loftslagi og þeim ógnum sem af þeim stafa.

  • Kunna skil á mismunandi loftslagsbelti á jörðinni.