LÍFS1NF01

• Nemandinn tekur þennan áfanga við upphaf sinnar framhaldsskólagöngu.
• Nemendur munu fá kynningu á ýmsu sem ætlað er að styðja við þá í leik og starfi, ásamt því að vekja þá til vitundar um mikilvægi hamingju og velfarnaðar í lífinu.
• Lífsleiknikennari, umsjónarkennarar og námsráðgjafar kenna tímana til skiptist en einnig koma nokkrir gestir í heimsókn.
• Sameiginlegt markmið þeirra sem sjá um tímana er að efla vellíðan, velgengni og velferð nemandans.

Engin próf eru í áfanganum en ýmis verkefni eru unnin í tengslum við námsefnið. Mætingar og þátttaka nemenda í tímum segja til um hvort áfanginn sé staðinn eða fallinn. Mætingarskylda er í áfangann.

Nemandi skal hafa öðlast þekkingu og skilning á:

• Mikilvægi velferðar og hamingju.

• Gildi heilbrigðs líferni.

• Gildum skólans; hæfni, ábyrgð, virðing, vellíðan.

• Mikilvægi þess að leggja rækt við hugann.

• Mikilvægi þess að hafa trú á eigin getu og setja sér markmið.

• Styrkleikaþjálfun.

Nemandi skal hafa öðlast leikni í að:

• Tileinka sér jákvæða hugsun og vera meðvitaður um gildi jákvæðra tilfinninga.

• Að nýta sér upplýsingar um forvarnir og heilsueflingu.

• Að setja sér markmið sem einstaklingur.

• Að sýna umburðarlyndi, samhygð og bera virðingu fyrir öðrum.

Nemandi skal geta hagnýtt þá almennu þekkingu og leikni sem hann hefur aflað sér til að:

• Bera ábyrgð á eigin velferð og farsæld – að blómstra.

• Nýta styrkleika sína sem best.

• Auka færni sína í mannlegum samskiptum.

• Bera virðingu fyrir ólíkum skoðunum, tilfinningum og viðhorfum.

• Bera virðingu fyrir sjálfum sér og tilfinningum sínum.

• Rækta sjálfan sig t.d. með því að tileinka sér núvitund og hugleiðslu.