LÖGF3GB02

Þessi áfangi er framhald af LÖGF2GA03 og áfram verður fjallað um þær réttarreglur sem gilda í verslun og viðskiptum. Kröfuréttur verðru til umfjöllunar, þar með talið reglur sem gilda um viðskiptabréf, veðsetningar og vanskil. Fjallað verður um félagaform í atvinnurekstri, sér í lagi hlutafélög og einkahlutafélög. Skattar á atvinnurekstur verða teknir fyrir, fjallað um aðila vinnumarkaðarins, réttindi þeirra og skyldur og um lífeyrissjóði. Þá er fjallað um reglur skaðabótarréttarins og vátryggingar í atvinnurekstri.

LÖGF2GA03.

Nemandi skal hafa öðlast þekkingu og skilning á:

• Helstu undirstöðuatriðum kröfuréttar og viðskiptabréfareglum.

• Grundvallaratriðum er varða veðrétt, vexti og verðtryggingu.

   

• Afleiðingum vanskila.

• Ólíkum félagaformum og helstu reglum sem gilda um hlutafélög og einkahlutafélög.

• Þekkja helstu skatta sem lagðir eru á atvinnurekstur.

• Vinnumarkaðnum, gildi kjarasamninga og starfsemi stéttafélaga og félaga vinnuveitenda.

• Réttindum og skyldum aðila vinnumarkaðarins.

• Þeim skaðabótareglum sem huga þarf að í atvinnurekstri.

Nemandi skal hafa öðlast leikni í að:

• Beita ýmsum lykilhugtökum lögfræðinnar, sér í lagi er varða verslun og viðskipti.

• Skilja meginreglur samningaréttarins, þar með talið hæfi til samningsgerðar.

• Átta sig á mögulegum anmörkum samninga sem geta valdið því að þeir verði ógildir.

• Skilja þær meginreglur sem gilda um skuldabréf og ábyrgðir.

• Átta sig á þeim meginreglum er gilda um vanskil, vexti og verðtryggingu.

• Þekkja þær meginrelgur er gilda um bókhald félaga.

• Standa að réttum skattskilum lögaðila.

• Skilja þær meginreglur sem gilda á vinnumarkaði, um vinnutíma, yfirvinnu, orlof o.s.frv.

• Skilja inntak vinnuveitendaábyrgðar og annarra skaðabótareglna.

Nemandi skal geta hagnýtt þá almennu þekkingu og leikni sem hann hefur aflað sér til að:

• Útbúa einfalda samninga og meta hæfi manna til samningagerðar.

• Semja umboðsskjöl.

• Útbúa samningsskilmála.

• Standa að innheimtu krafna.

• Stofna hlutafélag eða einkahlutafélag og halda aðalfund, hluthafafund og stjórnarfund í slíku félagi.

• Fylgja ákvæðum kjarasamnings.

• Standa að ráðningu starfsmanns og uppsögn.

• Forðast mögulegt tjón á vinnustað sem valdið getur skaðabótaábyrgð vinnuveitanda.