LOKA2FN07

Áfanginn er lokaáfangi námsins þar sem markmiðið er að nemandi samþætti nám sitt og þekkingu á vinnustað. Í áfanganum vinna nemendur verkefni sem felur í sér samþættingu þeirra þekkingar og færni sem nemandinn hefur aflað sér í námi sínu bæði í bóklegum áföngum sem og vinnustaðanámi. Í lokaverkefninu ígrunda nemendur vel vinnustað sinn og finni tækifæri sem felast innan fyrirtækisins í nýsköpun eða þróun á vöru og/eða þjónustu. Nemendur nýta alhliða þekkingu sína, úr námi og starfi, til útfærslu hugmyndar sinnar. Áhersla er lögð á að nemendur tengi hugmynd sína við hugtakið sjálfbærni og samspili þess við samfélag, umhverfi og stefnu vinnustaðar. Verkefnið getur verið einstaklingsverkefni sem og paraverkefni. Nemandi velur sér viðfangsefni og skipuleggur í samráði við kennara sinn og leiðbeinanda á vinnustaðnum. Áhersla er lögð á sjálfstæð vinnubrögð, skapandi hugmyndavinnu og frumkvöðlavitund. Lokaverkefnum lýkur með kynningu eða sýningu.

Áfanginn er símatsáfangi.

Nemandi skal hafa öðlast þekkingu og skilning á:

• Sjálfstæðri og markvissri vinnu við að þróa eigin hugmyndir á sjálfbæran og skapandi hátt.

• Hvernig beitt er fjölbreyttum aðferðum og faglegum vinnubrögðum við hugmyndavinnu.

• Mikilvægi áætlanagerðar og tímastjórnunar.

• Mikilvægi gagnrýninnar ígrundunar til eigin verka og vinnustaðarins.

• Sjálfstæðum og öguðum vinnubrögðum.

• Hvernig verkáætlun er sett upp og henni framfylgt innan ákveðins tímaramma.

• Mikilvægi samvinnu og samstarfs mikilvægi hugmyndavinnu.

Nemandi skal hafa öðlast leikni í að:

• Vinna markvisst frá hugmynd til afurðar.

• Útskýra hugmyndir sínar, áætlanir og vinnuferli.

• Velja aðferðir og vinnubrögð sem henta verkefninu.

• Kynna eigin niðurstöður fyrir öðrum.

• Ræða niðurstöður sínar á gagnrýndan hátt.

• Sýna frumkvæði og skapandi nálgun.

• Beita viðeigandi aðferðum við útfærslu verkefnisins.

Nemandi skal geta hagnýtt þá almennu þekkingu og leikni sem hann hefur aflað sér til að:

• Greina möguleika nýsköpunar og þróunar á vinnustað.

• Nýta þekkingu sína til að taka sjálfstæðar ákvarðanir í hugmyndavinnu og útfærslu með sjálfbærni og sköpun að leiðarljósi.

• Fjalla um og rökstyðja eigin hugmynd og vinnubrögð.

• Þróa hugmyndir og stýra verkefnum.

• Greina, tjá sig um og meta eigin verkefni og annarra af þekkingu, víðsýni og virðingu.

• Átta sig á viðri verkefnisins og menntunar sinnar fyrri samfélag og atvinnulíf.

• Efla eigin sjálfsmynd og nýta styrkleika sína.

• Beita skapandi og lausnamiðaðri hugsun við nám og störf.