MELI2ML05

• Í áfanganum er fjallað um menningarumhverfi samtímans ásamt því að skoða mismunandi stefnur og strauma bæði fyrr og nú.
• Fjallað er um listgildi samtímans og listkerfi fyrri tíma.
• Nemendur skoða hvað er list og með hvaða hætti hlutir öðlast merkingu sem list.
• Heimspekingar og kenningar þeirra varðandi fagurfræði og listir eru kynntar til sögunnar.
• Nemendur eru kynntir fyrir fjölbreyttum birtingarmyndum lista og menninga.
• Áhersla er lögð á þverfagleika og tilraunavinnu, þar sem unnið er með ólík efni og miðla.
• Nemendur vinna verkefni tengd umfjöllunarefnum og undirbúa kynningar, sjálfstætt eða í hópum.
• Nemendur fá tækifæri til að fást við efni áfangans með aðferðum sjónlistar og leiklistar.
• Í áfanganum kynnast nemendur jafnframt aðferðum til að skrá og halda utan um eigin hugmyndir.
• Stórt verkefni er í áfanganum og byggir það á ferli rannsóknar, framkvæmdar, sköpunar, túlkunar og greiningar í samhengi.

Byggir á ástundun nemenda og virkni í tímum sem og verkefnum sem unnin eru yfir önnina.

Nemandi skal hafa öðlast þekkingu og skilning á:

• Hlutverki og mikilvægi listar í menningarlegu samhengi.

• Hugtökum sem notuð eru til að lýsa áhrifamiklum stefnum og straumum tengdum listum og menningu.

• Listgildum samtímans og flokkunarkerfi lista fyrri tíma.

• Kenningum nokkurra heimspekinga um fagurfræði og listir.

Nemandi skal hafa öðlast leikni í að:

• Nota hugtök lista og menningar í umræðum og skriflegum verkefnum.

• Nota aðferðir sjón- og leiklistar í að auka skilning á listum og menningu.

• Koma auga á list og menningu í umhverfinu.

• Skrásetja og halda utan um eigin hugmyndir.

Nemandi skal geta hagnýtt þá almennu þekkingu og leikni sem hann hefur aflað sér til að:

• Leita leiða til að örva sköpunarhæfni.

• Njóta lista og menningar.

• Vinna verkefni um listir og menningu með fjölbreyttum aðferðum.

• Auka skilning á mikilvægi lista og menningar.