REK213

Kennslan er byggð á fyrirlestrum, umræðum og dæmatímum. Lesefni er að mestu á ensku og er lögð áhersla á að nemandinn geti skilið og tileinkað sér hugtök og efnisatriði á erlenda málinu. Til stuðnings er hjálparefni á íslensku á neti skólans og í verkefnahefti. Í áfanganum er sögð áhersla á það hvernig eigi að hugsa eins og hagfræðingur, hlutverk líkanasmíði í hagfræði, mikilvægi viðskipta, framboð og eftirspurn, áhrif stjórnvaldsaðgerða á markaði, teygnihugtaksins og kostnaðargreiningu.

Lokapróf 70%. Skyndiprof 20% Verkefni og ástundun 10% Nemendur þurfa að ná 4,0 á lokaprófi til að standast áfangann.

• Þekkingarviðmið Nemandi skal hafa aflað sér þekkingar og skilnings á:

  • Því hvernig eigi að hugsa eins og hagfræðingur.
  • 8 helstu hugtökum hagfræðinnar.
  • Hlutverki líkanasmíði í hagfræði.
  • Helstu markaðslögmálum og áhrifum stjórnvaldsaðgerða á markaði.
  • Teygnihugtakinu almennt og helstu tegundum teygni.
  • Tekju- og jaðartekjuhugtakinu.
  • Kostnaðargreiningu og mismunandi kostnaðarhugtökum.
  • Mikilvægi stærðfræði við lausn hagfræðilegara viðfangsefna

  Leikniviðmið Nemandi skal hafa öðlast leikni í:

  • Reikna jafnvægisverð og magn á mismunandi tegundum markaða
  • Reikna verðteygni, víxlteygni og tekjuteygni út frá bilteygnisaðferð og punktteygnisaðferð
  • Reikna hvernig skattlagning hins opinbera leggst á neytendur og framleiðendur óháð því hver greiðir skattinn.
  • Nota diffrun, þegar við á, við lausn hámörkunar og lágmörkunarvandamála.

  Hæfniviðmið Nemandi skal geta hagnýtt þá þekkingu og leikni sem hann hefur aflað sér til að:

  • Meta verðmæti út frá sjónarhóli hagfræðingsins sem byggir ekki aðeins á kostnaðargreiningu fyrirtækja heldur geti nemandi tekið skynsamar ákvarðarnir í eigin lífi út frá fórnarkostnaði mismunandi valkosta.
  • Meta forsendur fyrir verðbreytingum á markaði.
  • Nota teygnihugtakið við greiningu á næmni út frá verði og tekjum.
  • Sundurliða og greina kostnað við framleiðslu vöru eða þjónustu.

• Kenndir eru fjórir tímar á viku, 60 mínútur hver. Kennsla fer fram í formi fyrirlestra, dæmatíma og verkefnavinnu. Mikið er lagt upp úr sjálfstæðri vinnu nemenda og agaðra vinnubragða.

• 10 grunnatriði hagfræðinnar, úthlutun takmarkaðra framleiðsluþátta, valkvölin, fórnarkostnaðarhugtakið, að hugsa á jaðrinum, hvernig hvatar hafa áhrif á þankaganginn, hagkvæmni viðskipa, hvers vegna markaðir eru hagkvæm en ekki fullkomin leið til úthlutunar gæða, algjörir-hlutfallslegir yfirburðir, hin vísindalega aðferðafræði, líkanasmíð í hagfræði, framboð og eftirspurn, verðteygni, tekjuteygni, víxlteygni, áhrif pólitískra ákvarðana á hagvæmni markaðarins s.s. setning hámarks/lágmarksverðs, skattlagning. Kostnaðarhugtök, frá sjónarhóli hagfræðingsins annars vegar og bókararns hins vegar. Heildar-og einingarkostnaður, fastur og breytilegur, jaðarkostnaður. Lágmörkun kostnaðar.