REKH3MÚ05

• Kennslan er byggð á fyrirlestrum, umræðum og dæmatímum.
• Lesefni er að mestu á ensku og er lögð áhersla á að nemandinn geti skilið og tileinkað sér hugtök og efnisatriði á erlenda málinu.
• Til stuðnings er hjálparefni á íslensku á neti skólans og í verkefnahefti.
• Lögð er áhersla á útreikning dæma og að nemendur tileinki sér sjálfstæð vinnubrögð og geri sér grein fyrir eigin ábyrgð.
• Lögð er áhersla á að nemendur fylgist með eigin námsframvindu með því að þreyta krossapróf á heimasíðu námsbókar.
• Þessi áfangi miðar að því að auka skilning nemenda á því viðskiptaumhverfi sem hann lifir og hrærist í svo að hann geti lagt mat á þá áhrifaþætti sem hafa áhrif verðmyndun þeirra vöru sem hann kaupir dags daglega.
• Í áfanganum er farið í öll helstu markaðsformin og skoðað hvernig þau eru grundvöllur verðlagningarinnar.
• Markaðsformin eru skoðuð út frá samkeppni, skilvirkni og eðli vörunnar.
• Áhersla er lögð á hvernig fyrirtæki á þessum mörkuðum fara að til þess að hámarka hagnað sinn í margbreytilegu umhverfi.
• Lögð er áhersla á fræðilegt inntak námsins en ávallt er stutt í beina tengingu við raunhagkerfið.

Á önninni eru 3 kaflapróf (þar af er eitt óundirbúið). Mat á almennri ástundun sem byggist á virkni í tímum og heimavinnu. Skriflegt lokapróf í lok annar.

HAGF1ÞF05 og REKH2HD05.

Nemandi skal hafa öðlast þekkingu og skilning á:

• Markaðsformunum, skilgreiningu og einkennum þeirra.

• Framboðskúrum til skamms/langs tíma og hvenær beri að stöðva framleiðslu tímabundið eða hverfa af markaði.

• Hvaða þættir geta stuðlað að einokun/fákeppni á markaði.

• Velferðartapi og hvernig það myndast.

• Hvernig verðaðgreining getur aukið hagnað fyrirtækis.

• Tilhneigingunni til þess að auka hagnað með verðsamráði og samtökum (e. Cartel).

• Stjórnvaldsaðgerðum sem beita má til þess að örva samkeppni.

• Hvernig nota má leikjafræði (e. Game theory) til þess skýra hegðun fyrirtækja á fákeppnismarkaði.

• Helstu kostum/ókostum auglýsinga frá sjónarhóli neytenda/seljenda.

Nemandi skal hafa öðlast leikni í að:

• Reikna hagkvæmasta verð og magn miðað við mismunandi markaðsform, markaðsaðstæður og kostnaðarskipan.

• Greina jafnvægisástand á markaði með/án brottfalli/innkomu fyrirtækja.

• Reikna o-punkt(a), lágmarksverð til skamms/langs tíma fyrir stöðvun/lokun fyrirtækis og lágmörkun kostnaðar m.v. mismunandi markaðsform.

• Sýna fram á hvernig auka má hagnað fyrirtækis með verðaðgreiningu.

• Meta velferðartap og neytenda/ framleiðendaábata á grundvelli mismunandi markaðsforma.

• Nota diffrun, þegar á við, við lausn hámörkunar- og lágmörkunarvandamála.

Nemandi skal geta hagnýtt þá almennu þekkingu og leikni sem hann hefur aflað sér til að:

• Greina á hvaða markaði tiltekið fyrirtæki starfar og geti metið þau markaðsöfl, leikreglur og samkeppni sem skýra verðstefnu og hegðun þess á markaði.

• Meta áhrif aðgerða samkeppnisyfirvalda á mismunandi mörkuðum.

• Meta hvenær fyrirtæki beitir verðaðgreiningu og hvað býr að baki verðstefnunni.

• Lesa/skilja erlendar fréttaveitur á sviði viðskipta.

• Kunna að notfæra sér hagfræðilíkön til að greina hagfræðileg vandamál.