SAGA3MH05

• Áfanginn fjallar um sögu síðustu áratuga ásamt því að farið er í valda þætti menningarsögu.
• Mikil áhersla er lögð á virkni nemenda og fjölbreytni í gagnanotkun og framsetningu.
• Verkefnin felast í rituðu máli (heimildaritgerð) og skriflegum verkefnum þar sem tekin er sjálfstæð afstaða til fyrirliggjandi námsefnis, hóp- og paraframsöguverkefnum, stuttmyndum, heimasíðum og útvarpsþáttum.
• Í mörgum tilvikum velja nemendur sjálfir heppilegasta framsetningarmátann, miðað við efnið sem gera á skil.

Í áfanganum er lokapróf en vinnueinkunn hefur meira vægi og er að mestu gefin út frá mati á verkefnum (stórum og smáum), mati á viðhorfum og virkni í námi og mögulega annarprófi.

Saga2MS05.

Nemandi skal hafa öðlast þekkingu og skilning á:

• Þeim orðaforða sem nauðsynlegur er til frekara náms í greininni.

• Nauðsyn faglegrar og fræðilegrar umræðu í námi og starfi.

• Þeim hugmyndum sem mótað hafa viðhorf fólks til jafnréttis, lýðræðis og mannréttinda.

Nemandi skal hafa öðlast leikni í að:

• Greina fjölbreytt orsakasamhengi.

• Taka virkan þátt í samfélagslegri umræðu.

• Skipuleggja tíma sinn á raunhæfan hátt.

• Vinna sjálfstætt við skapandi rannsóknarvinnu.

• Skrifa fræðilegan texta.

• Beita upplýsingatækni við þekkingarleit.

• Beita öguðum, faglegum og siðferðilega réttmætum vinnubrögðum.

• Beita gagnrýnni hugsun.

Nemandi skal geta hagnýtt þá almennu þekkingu og leikni sem hann hefur aflað sér til að:

• Meta heimildir og rannsóknagögn á gagnrýninn hátt og setja fram rökstuddar tilgátur um viðfangsefni.

• Setja fram nákvæmar röksemdir fyrir skoðunum sínum.

• Beita skapandi hugsun við lausnamiðað nám.

• Nálgast verkefni á faglegan og sjálfstæðan hátt.

• Beita því verklagi sem hæfir rannsókn eða lausn verkefna og álitaefna hverju sinni.

• Setja fram rökstuddar hugmyndir um viðfangsefni greinar.

• Móta og skilgreina fagleg viðhorf sín til viðfangsefna viðkomandi greinar.

• Hefja háskólanám í félags-, mann- og hugvísindum.