SÁLF2GR05

• Áfanginn er grunnáfangi í sálfræði.
• Nemendur kynnast fræðigreininni sálfræði, eðli hennar, sögu og þróun.
• Helstu sálfræðistefnur eru kynntar og grunnhugtök greinarinnar skýrð.
• Starfssvið sálfræðinga verður skoðað sem og hagnýtt gildi sálfræði í daglegu lífi svo sem við nám og mótun hegðunar.
• Fjallað er um samspil hugsunar, hegðunar og tilfinninga, sjálfsmynd, mannleg samskipti, þróun náinna sambanda og almennt um mannlegt eðli.
• Loks eru helstu rannsóknaraðferðir kynntar.
• Kennslan er með fjölbreyttu sniði, fyrirlestrar kennara og nemenda, umræður og verkefni.
• Áhersla verður lögð á að nemendur þekki helstu rannsóknaraðferðir sálfræðinnar og þjálfist í vísindalegri hugsun og vinnubrögðum með því að framkvæma einfalda tilraun og skrifa skýrslu um niðurstöður samkvæmt viðurkenndum reglum.

Námsmat er tvíþætt, gefin er vinnueinkunn sem gildir til helminga á móti lokaprófseinkunn.

FÉLA1IS05 (FÉL103).

Nemandi skal hafa öðlast þekkingu og skilning á:

• Þróun sálfræðinnar sem fræðigreinar.

• Grundvallarkenningum sálfræðinnar.

• Hagnýtu gildi sálfræðinnar í daglegu lífi.

• Helstu leiðum sálfræðinnar til að útskýra hugsun, hegðun og tilfinningar einstaklinga.

• Helstu mótunaröflum einstaklinga og hópa.

• Vísindalegum vinnubrögðum greinarinnar.

Nemandi skal hafa öðlast leikni í að:

• Lesa og skilja helstu hugmyndastefnur sálfræðinnar.

• Beita hugtökum sálfræðinnar.

• Skoða eigin hegðun, hugsun og tilfinningar út frá hugmyndum sálfræðinnar.

• Skoða hegðun, hugsun og tilfinningar annarra út frá hugmyndum sálfræðinnar.

Nemandi skal geta hagnýtt þá almennu þekkingu og leikni sem hann hefur aflað sér til að:

• Gera sér grein fyrir mótandi áhrifum umhverfisins á einstaklinginn.

• Skilja samspil hegðunar, hugsunar og tilfinninga.

• Geta yfirfært sálfræðilega þekkingu sína yfir á eigin sjálfsmynd.

• Geta tjáð sig á skipulagðan og gagnrýninn máta um sálfræðileg efni.

• Framkvæma einfalda rannsókn og rýna í helstu niðurstöður.