SAMS1ÞF02

Markmið áfangans er að nemendur tileinki sér aðferðir til þess að stuðla að persónulegum vexti í lífi og starfi. Nemendur læra aðferðir í samskiptafærni eins og t.d. virka hlustun, öryggi í samskiptum, að takast á við kvartanir, viðmót, samvinnu og frumkvæði. Nemendur setja sér persónuleg markmið sem stuðla að vexti í náminu og undirbúa þá fyrir störf í sölu og þjónustu. Nemendur velta fyrir sér styrkleikum sínum og hvernig hægt er að nýta þá til þess að ná sem bestum árangri. Nemendur hitta kennara námskeiðsins í markþjálfunarviðtali við upphaf námskeiðsins þar sem þeir setja sér markmið sem þeir ætla að vinna að gegnum námskeiðið. Við lok námskeiðsins/eða í seinni áfanganum eiga nemendur síðan kost á að koma í annað viðtal þar sem þeir ræða hvernig gekk að ná settu markmiði og setja sér ný markmið fyrir framtíðina.

Nemandi skal hafa öðlast þekkingu og skilning á:

• Helstu aðferðum í samskiptafærni.

• Helstu aðferðum markþjálfunar.

• Styrkleikanálgun.

• Á SMART-líkaninu.

• Tengslamyndun.

• Aðferðum til þess að efla sjálfsöryggi.

Nemandi skal hafa öðlast leikni í að:

• Beita færniþáttum í samskiptum.

• Nýta styrkleika sína i samskiptum.

• Setja sér markmið.

• Mynda tengsl.

Nemandi skal geta hagnýtt þá almennu þekkingu og leikni sem hann hefur aflað sér til að:

• Sýna öryggi í samskiptum.

• Takast á við kvartanir.

• Nota virka hlustun.

• Sýna frumkvæði.

• Öðlast færni í samvinnu.

• Átta sig á styrkeikum sínum og leiðum til þess að nýta þá til fulls.

• Setja sér markmið út frá SMART-líkaninu.