STÆR2HJ05

• Í áfanganum er mest unnið með margliður, sérstaklega fyrsta- og annars stigs margliður og hnitakerfið.
• Einnig er farið í mengi og grunnaðgerðir þeirra. Auk þess er fallahugtakið kynnt.
• Kennslan fer jöfnum höndum fram með fyrirlestrum kennara þar sem nýtt efni er kynnt og útskýrt og vinnu nemenda.
• Oftast er hverri kennslustund skipt í slíkar útskýringar kennara og sjálfstæða verkefnavinnu nemenda.
• Þessi verkefni vinna nemendur ýmist í hópum eða einir sér.
• Gerðar eru kröfur um að nemendur vinni verkefni heima og standi skil á þeim annað hvort í kennslustund eða með því að skila verkefnum skriflega.
• Kennari fer síðan yfir heimaverkefni og nemendur fá endurgjöf.
• Í kennslustundum eru notaðar reiknivélar.
• Einnig eru verkefni leyst með stærðfræðiforritum t.d. forritinu GeoGebra.

Próf er í áfanganum í annarlok og frammistaða nemenda á önninni þ.m.t. í skyndiprófum og örprófum, heimadæmum og ástundun kemur einnig inn í lokaeinkunn

STÆR2ÞA05.

Nemandi skal hafa öðlast þekkingu og skilning á:

• Mengjum og grunnaðgerðum mengja.

• Talnalínunni, algildi og biltáknum.

• Rétthyrndu hnitakerfi í sléttum fleti.

• Jöfnu línu, annars stigs jöfnum, algildisjöfnum, línulegum og annars stigs ójöfnum.

• Margliðum: skilgreining, deiling, núllstöðvar og formerki.

• Jöfnu fleygboga.

• Ójöfnum sem afmarka svæði í hnitakerfi.

• Hugtakinu falli og einföldum aðgerðum á föllum.

Nemandi skal hafa öðlast leikni í að:

• Skilja framsetningu stærðfræðilegs námsefnis.

• Tjá sig um aðferðir sínar bæði í rituðu og mæltu máli og vera læs á texta sem inniheldur stærðfræðitákn og hugtök.

• Vinna með grunnaðgerðir mengja.

• Meðhöndla talnamengin N,Z,Q,R.

• Finna og vinna með jöfnu beinnar línu.

• Finna lausnir annars stigs jafna og ójafna.

• Vinna í rétthyrndu hnitakerfi í sléttum fleti.

• Nota vísindalegar reiknivélar og einföld stærðfræðiforrit.

• Nota fallahugtakið í daglegu lífi.

Nemandi skal geta hagnýtt þá almennu þekkingu og leikni sem hann hefur aflað sér til að:

• Setja sig inn í og túlka útskýringar og röksemdir annarra af virðingu og umburðarlyndi án fordóma.

• Skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega í mæltu máli svo og myndrænt.

• Skilja merkingu og tengsl hugtaka í námsefninu og vinna með þau.

• Hagnýta sér stærðfræðilega þekkingu til ákvarðanatöku í sértækum verkefnum.

• Beita gagnrýninni og skapandi hugsun við lausn verkefna.

• Beita skipulegum aðferðum við að leysa verkefni og setja upp jöfnur.

• Klæða verkefni í stærðfræðilegan búning, leysa það og túlka lausnina.

• Nota lausnir verkefna við val, samanburð og ákvarðanir.

• Fylgja og skilja röksemdir í mæltu máli og í texta og sanna ákveðnar reglur.

• Beita einföldum samsettum röksemdum.

• Greina röksamhengi í röksemdafærslum og ganga úr skugga um hvort þær eru rangar eða ófullkomnar.