STÆR3DF05

• Fallahugtakinu eru gerð góð skil svo og ýmsum aðgerðum sem beitt er á föll.
• Meðal annars eru vísisföll og lograföll kynnt.
• Markgildishugtakið þ.m.t. einhliða markgildi og óeiginleg markgildi er skilgreint.
• Einnig hallatala við feril falls, diffurkvóti og diffurreglur.
• Endað er á fallagreiningu en í henni felst að finna staðbundin útgildi, einhallabil, sveigju ferils o.fl.   

    

STÆR2VH05 – (STÆ303).

Nemandi skal hafa öðlast þekkingu og skilning á:

• Nokkrum algengum föllum. 

• Ýmsum hugtökum og reiknireglum tengdum föllum.  

• Markgildi, samfelldni og aðfellum falla.  

• Snertli, diffurkvóta og diffurreglum.  

• Afleiðum algengra falla.  

• Staðbundnum útgildum og beygjuskilum. 

Nemandi skal hafa öðlast leikni í að:

• Kanna feril falla: finna skilgreiningar- og myndmengi, diffra föll og finna útgildi og beygjuskil, finna aðfellur og rissa upp feril falla.  

• Skeyta saman föllum og finna andhverfur falla.  

• Leysa jöfnur með vísis- og lograföllum.  

• Leiða út afleiður falla út frá skilgreiningu á afleiðu.  

• Reikna einföld markgildi og ganga úr skugga um hvort fall af einfaldri gerð sé samfellt og/eða diffranlegt . 

• Nota skilgreiningar til að sýna fram á ákveðna eiginleika falla.  

Nemandi skal geta hagnýtt þá almennu þekkingu og leikni sem hann hefur aflað sér til að:

• Geta skráð lausnir sínar skipulega og rökstutt þær.  

• Geta rætt hugmyndir sínar um námsefnið.  

• Geta skilgreint hugtök námsefnisins með nákvæmum hætti . 

• Fylgja og skilja röksemdir og röksamhengi í mæltu máli og texta, þar með taldar sannanir í námsefni . 

• Rekja sannanir í námsefninu.  

• Greina hvenær röksemdafærsla teljist fullnægjandi.  

• Nota skilgreiningar í röksemdafærslum.  

• Vinna með merkingu og tengsl hugtaka í námsefninu.  

• Klæða verkefni í stærðfræðilegan búning, leysa og túlka lausnina.