STÆR3HF05

• Efni áfangans er heildun, diffurjöfnur og fylkjareikningur.
• Teknar eru fyrir helstu heildunarreglur og hvernig hægt er að nota heildun við að finna flatarmál óreglulegra svæða.
• Einfaldar diffurjöfnur eru leystar og grunnatriði fylkjareiknings eru kynnt.   

STÆR3FF05 (STÆ463).

Nemandi skal hafa öðlast þekkingu og skilning á:

• Stofnfalli og ákveðnu heildi, flatarmáli undir ferli og milli ferla.  

• Heildunaraðferðum, hlutheildun, innsetningaraðferð og stofnbrotsliðun.  

• Diffurjöfnum, einföldum, með aðskiljanlegum breytistærðum, línulegum fyrsta stigs jöfnum.  

• Fylkjareikningi, n-víðum vigrum, samlagningu og margföldun, fernings-, hornalínu- og einingarfylkjum . 

• Andhverfu og byltu fylki.  

• Jöfnu bestu línu með fylkjareikningi.  

Nemandi skal hafa öðlast leikni í að:

• Beita einfaldri heildun og finna flatarmál. 

• Beita hlutheildun, innsetningaraðferð og stofnbrotsliðun við að ákvarða heildi.  

• Leysa einfaldar diffurjöfnur með því að aðskilja breytistærðir.  

• Leysa línulegar fyrsta stigs diffurjöfnur.  

• Nota reikniaðgerðir á fylki.  

• Finna andhverfu 2×2 fylkja og finna jöfnu bestu línu „í gegnum nokkra punkta“.

Nemandi skal geta hagnýtt þá almennu þekkingu og leikni sem hann hefur aflað sér til að:

• Setja sig inn í og túlka útskýringar og röksemdir annarra.  

• Skrá lausnir sínar skipulega og rökstyðja þær, skiptast á skoðunum um þær við aðra og útskýra hugmyndir sínar . 

• Átta sig á tengslum ólíkra aðferða við framsetningu hugmynda og viðfangsefna og velja aðferð við hæfi. t.d. við heildun og lausn diffurjafna.  

• Klæða hversdagsleg verkefni í stærðfræðilegan búning, leysa þau og túlka lausnirnar, t.d. með því að nota fylkjareikning.  

• Vinna með merkingu og tengsl hugtaka í námsefninu t.d. diffrun og heildun.  

• Beita skipulegum aðferðum við lausnir þrauta úr kunnuglegu samhengi og útskýra aðferðir sínar . 

• Beita gagnrýninni og skapandi hugsun.  

• Fylgja eftir og skilja röksemdir í texta og beita einföldum röksemdum .