STÆR3HF05

• Efni áfangans er fjórskipt, heildun, diffurjöfnur, vigrar og fylkjareikningur.
• Teknar eru fyrir helstu heildunarreglur og einfaldar diffurjöfnur eru leystar.
• Vigurhugtakið er skilgreint og aðgerðir á vigrum kynntar.
• Grunnatriði fylkjareiknings eru kynnt og unnið með þau.
• Kennslan fer jöfnum höndum fram með fyrirlestrum kennara, umræðum, einstaklings- og hópavinnu nemenda.
• Gerðar eru kröfur um að nemendur vinni verkefni heima og standi skil á þeim annað hvort í kennslustund eða með því að skila verkefnum skriflega.
• Í kennslustundum eru notaðar reiknivélar.
• Einnig eru verkefni leyst með stærðfræðiforritum t.d. forritinu GeoGebra og Excel.

Námsmat er samsett úr vinnueinkunn og skriflegu lokaprófi í lok annar.

STÆR3FF05 (STÆ463).

Nemandi skal hafa öðlast þekkingu og skilning á:

• Heildunaraðferðum, hlutheildun, innsetningaraðferð og stofnbrotsliðun.

• Diffurjöfnum, einföldum, með aðskiljanlegum breytistærðum, línulegum fyrsta stigs jöfnum.

• Fylkjareikningi, n-víðum vigrum, samlagningu og margföldun, fernings-, hornalínu- og einingarfylkjum.

• Andhverfu og byltu fylki.

• Jöfnu bestu línu með fylkjareikningi.

• Stofnfalli og ákveðnu heildi, flatarmáli undir ferli og milli ferla.

• Vigurreikningi í sléttum fleti, summu, mismun og innfeldi tveggja vigra, hallatölu og lengd vigurs, einingavigri, horni milli vigra, samsíða og hornréttum vigrum.

Nemandi skal hafa öðlast leikni í að:

• Beita einfaldri heildun og finna flatarmál.

• Leysa einfaldar diffurjöfnur með því að aðskilja breytistærðir.

• Leysa línulegar fyrsta stigs diffurjöfnur.

• Nota reikniaðgerðir á fylki.

• Finna andhverfu 2×2 fylkja og finna jöfnu bestu línu „í gegnum nokkra punkta“.

• Beita hlutheildun, innsetningaraðferð og stofnbrotsliðun við að ákvarða heildi.

• Beita reikniaðgerðum á vigra.

Nemandi skal geta hagnýtt þá almennu þekkingu og leikni sem hann hefur aflað sér til að:

• Setja sig inn í og túlka útskýringar og röksemdir annarra.

• Skrá lausnir sínar skipulega og rökstyðja þær, skipast á skoðunum um þær við aðra og útskýra hugmyndir sínar.

• Átta sig á tengslum ólíkra aðferða við framsetningu hugmynda og viðfangsefna og velja aðferð við hæfi. t.d. við heildun og lausn diffurjafna.

• Klæða hversdagsleg verkefni í stærðfræðilegan búning, leysa þau og túlka lausnirnar, t.d. með því að nota fylkjareikning.

• Vinna með merkingu og tengsl hugtaka í námsefninu t.d. diffrun og heildun.

• Beita skipulegum aðferðum við lausnir þrauta úr kunnuglegu samhengi og útskýra aðferðir sínar.

• Beita gagnrýninni og skapandi hugsun.

• Fylgja eftir og skilja röksemdir í texta og beita einföldum röksemdum.