STJR1ST03

Farið er yfir grunnhugtök og kenningar í stjórnun. Nemendur fá innsýn inn í heilstu verkefni og hlutverk stjórnenda. Fjallað er um þróun í stjórnunarkenningum og hvernig breytingar í þjóðfélaginu hafa leitt til þess að sífellt meiri áhersla hefur verið lögð á stjórnun sem fræðigrein. Nemendum er kynnt mikilvægi stefnumótunar og markmiðssetningar. Viðfangsefni áfangans miða meðal annars að því að undirbúa nemendur fyrir frekara nám í stjórnun, ásamt þátttöku í félags- og atvinnulífi.

Nemandi skal hafa öðlast þekkingu og skilning á:

• Helstu hlutverkum stjórnenda.

• Sögu stjórnunar og helstu fræðimönnum.

• Fyrirtækjamenningu.

• Siðferði skipulagsheilda.

• Samfélagslegri ábyrgð.

• Stefnumótun, áætlanagerð og markmiðssetningu.

• Skipulagi fyrirtækja.

• Mannauðsstjórnun.

• Vali á starfsmönnumm.

• Frammistöðu og hvatningu.

Nemandi skal hafa öðlast leikni í að:

• Beita grunnhugtökum stjórnunar við verkefnavinnu.

• Vinna raunhæf verkefni um stjórnendur í atvinnulífinu.

• Vinna saman í hóp.

• Koma þekkingu sinni á framfæri.

Nemandi skal geta hagnýtt þá almennu þekkingu og leikni sem hann hefur aflað sér til að:

• Beita hugtökum og aðferðum stjórnunar í starfi.

• Meta siðferðileg álitamál sem verða stjórnun.

• Heimfæra hugmyndir stjórnunar á eigið líf.

• Nýta sér hæfni sína til frekara náms.

• Nýta hæfni sína til þess að taka þátt í atvinnulífinu.

• Skilja helstu skipurit.

• Vera hæfari til að takast á við þá áskorun að taka virkan þátt í atvinnulífi þjóðarinnar.

• Geta tekið einfaldar stjórnunarákvarðanir.