ÞJÓÐ3OH05

• Í áfanganum eru skoðuð viðskipti milli þjóða og hagkvæmni þeirra.
• Farið er í hver áhrifin verða þegar tollar eru settir á vörur og þjónustu.
• Þá er farið í að skoða heildareftirspurn og heildarframboð í hagkerfum.
• Einblínt er á hvaða áhrifaþættir koma við sögu þegar breytingar verða í heildareftirspurninni og heildarframboðinu og kenningar tengdar því.
• Þá verður farið í hvaða áhrif það hefur á hagkerfi þegar stjórnvöld beita aðferðum hagstjórnar, þ.e. fjármálastefnu eða peningamálstefnu innan hagkerfa.
• Kenningar og líkön verða skoðuð í tengslum við þessi viðfangsefni.
• Þá er einnig til umfjöllunar í áfanganum alþjóðlegar stofnanir og hlutverk þeirra.
• Sérstaklega verða skoðaðar þær stofnanir sem tengjast íslensku efnahagslífi á einn eða annan hátt.
• Kennsla í áfanganum fer fram með fyrirlestrum og verkefnavinnu.

Próf og verkefnavinna.

ÞJÓÐ2HK05.

Nemandi skal hafa öðlast þekkingu og skilning á:

• Mikilvægi viðskipta milli landa og áhrifum þeirra á hagkerfi.

• Áhrifum tolla á innflutning.

• Hvernig framboðs- og eftirspurnaferlar breytast við hinar ýmsu aðstæður í hagkerfum.

• Beitingu peningamálastefnu og fjármálastefnu í hagkerfum.

• Hvernig alþjóðastofnanir starfa og helstu hlutverk þeirra.

Nemandi skal hafa öðlast leikni í að:

• Greina efnahagsástand mismunandi hagkerfa.

• Notast við líkön til að útskýra hagfræðileg málefni.

• Finna upplýsingar og túlka þær.

• Greina breytingar í hagkerfum út frá tölulegum upplýsingum.

• Tjá sig um hagfræðileg málefni í ræðu og riti.

Nemandi skal geta hagnýtt þá almennu þekkingu og leikni sem hann hefur aflað sér til að:

• Tjá sig munnlega og skriflega á fræðilegan hátt um efnahagshorfur hagkerfa.

• Beita hagfræðikenningum á raunveruleg viðfangsefni.

• Leita upplýsinga um hin ýmsu hagkerfi á netinu.

• Taka þátt í umræðum um hagfræðileg málefni.

• Greina og túlka aðstæður á fræðilegan hátt.