TOLV2FO05

• Farið er yfir sögu tölvutækninnar þ.á.m. forritunarmála og nemendur verða látnir læra að breyta tölum milli talnakerfa (aðaláhersla á tvíundarkerfið).
• Nemendur lesa sér til um byggingu tölvunnar, helstu vélarhluta og samband hennar við umheiminn.
• Farið verður yfir efni um minni, gögn og mismunandi tegundir hugbúnaðar.
• Nemendur fá kynningu á því hvað algrím, flækjustig og reiknanleiki eru þegar kemur að tölvum.
• Nemendur fá undirstöðuþjálfun í forritun í hlutbundna forritunarmálinu Java.
• Nemendur læra að skrifa hefðbundin forrit sem keyra í textaham. Forritin verða oft með stærðfræðitengdar lausnir.
• Innlögn kennara er í formi lesefnis, verkefna, hljóðfyrirlestra, skilaverkefna.

Námsmat í áfanganum tekur mið af ástundun nemenda yfir önnina, verkefnavinnu og skilum, æfingum og skriflegu prófi í lokin.

Nemandi skal hafa öðlast þekkingu og skilning á:

• Reikningi milli talnakerfa.

• Sögu forritunar, hug- og vélbúnaðar.

• Innviðum tölvu.

• Samspili vél- og húgbúnaðar.

• Forritun og helstu grunnaðgerðum hennar, s.s. skilyrðissetningum, lykkjum, föllum o.fl.

Nemandi skal hafa öðlast leikni í að:

• Framkvæma reikning talna milli mismunandi talnakerfa.

• Greina, hanna og forrita einfaldari forrit á sem bestan máta.

• Skipuleggja tög og uppbyggingu forrita með föllum.

• Forrita með skilyrðum, lykkjum og föllum.

Nemandi skal geta hagnýtt þá almennu þekkingu og leikni sem hann hefur aflað sér til að:

• Reikna milli talnakerfa.

• Takast á við forritun í mismunandi hugbúnaðarumhverfum.

• Smíða forrit frá grunni skv. verklýsingu.

• Skipta flóknu algrími upp í nokkra einfaldari hluta.

• Byggja upp forritskóða á læsilegan og skipulegan hátt.

• Skilja forrit og forritshluta, aðgerðir, tilgang þeirra og markmið.