TÖLV3UT05

• Áfanginn sérhæfir nemendur í uppsetningu á skýrslum fyrir háskólanám og meðferð tölulegra gagna og framsetningu á þeim. Í áfanganum er lögð rík áhersla á læsi og leikni sem tengist notkun tölvunnar í námi, lífi og starfi svo og hæfni til að vinna með upplýsingar og fjölbreytt gögn á ýmsan máta (upplýsinga-, miðla- og tæknilæsi).
• Í áfanganum vinna nemendur stórar og flóknar skýrslur á faglegan, skipulegan og sérhæfðan hátt. Í áfanganum er einnig unnið með gagnagrunna og flókin föll og aðgerðir í Excel sem nemendur þurfa að geta tengt. Lögð er áhersla á frumkvæði, ábyrgð og færni í vinnu með gögn af ýmsum toga ásamt færni í samskiptum, meðferð upplýsinga, sköpun og miðlun nýrrar þekkingar. Nemendur öðlast hæfni í meðferð heimilda og læra að virða höfundarétt. Þeir fá þjálfun í frágangi langra ritgerða og skýrslna með flóknum skipunum. Farið er ítarlega í gerð myndrita og útlitsmótun skjala, tölfræðiútreikninga, fjármálaföll, tíðnitöflur og fleiri flókin föll tekin fyrir. Unnin eru nokkur stór og flókin verkefni auk lokaverkefna.
• Farið er vel yfir mikilvægi frágangs og framsetningar á verkefnum. Lögð er rík áhersla á sjálfstæð og vönduð vinnubrögð og samvinnu í smærri hópum og að nemendur verði færir að nota tölvuna sem tæki í náminu og samþætti kunnáttu í upplýsingatækni við framsetningu efnis í öðrum námsgreinum. Kennslan byggist einkum á verkefnavinnu nemenda og skilum á verkefnum. 

Námsmat er byggt á vinnu nemenda yfir önnina, skyndiprófum, verkefnum ásamt lokaprófi.

TÖLV2RT05.

Nemandi skal hafa öðlast þekkingu og skilning á:

• Helstu grunnatriðum í flokkun og uppsetningu á gögnum, flóknari aðgerðum töflureiknisforritsins Excel og ritvinnsluforritsins Word. 

• Helstu grunnatriðum við gerð kannana með aðstoð netlausna og úrvinnslu þeirra ásamt greiningu á tölulegum gögnum og túlkun þeirra.

• Helstu atriðum varðandi framsetningu og miðlun á texta.

• Notkun töflureiknis við gerð myndrita og mótun þeirra á ýmsa vegu og hvernig hægt er að vinna saman töluleg gögn með ritvinnslu og töflureikni.

• Tölfræði- og fjármálaföllum til útreikninga.

• Pivot töflum til að taka saman og setja upp á skýran og einfaldan hátt mikið magn upplýsinga.

• Helstu tegundum heimilda og einföldum vinnubrögðum við heimildaleit og -notkun.

• Höfundarétti og notkun heimilda.

• Siðfræði og siðferði Netsins (upplýsinga- og tölvusiðfræði).

• Einföldum og flóknari tíðnitöflum.

Nemandi skal hafa öðlast leikni í að:

• Vinna með gögn og flokkun þeirra, m.a. með pivot töflum, og geta sett fram gögn á aðgengilegan hátt. 

• Hanna, útbúa og leggja fyrir kannanir með hjálp netlausna. 

• Kalla fram myndrit í töflureikni og móta þau á ýmsa vegu og færa yfir í ritvinnslu með tengingu milli forrita.

• Setja upp ritgerðir og nota þá möguleika sem ritvinnsluforritið hefur upp á að bjóða.

• Setja fram heimildir og fara með tilvísanir í rituðum texta.

• Fara með töluleg gögn og setja þau fram.

• Vinna sjálfstætt og vinna saman í smærri hópum.

• Vinna með alls kyns tölfræðilegar upplýsingar, einföldum og flóknari tíðnitöflum og framsetningu á þeim á skýran og einfaldan hátt.

Nemandi skal geta hagnýtt þá almennu þekkingu og leikni sem hann hefur aflað sér til að:

• Geta metið, varðveitt, skapað og miðlað upplýsingum og þekkingu á skipulagðan og skilvirkan hátt (upplýsingalæsi).

• Geta unnið með, flokkað og sett fram gögn, m.a. með pivot töflum, á aðgengilegan hátt.

• Vinna að mótun texta á ýmsan máta og stuðla að læsileika hans.

• Setja upp lengri heimildaritgerð ásamt yfirlitum af ýmsu tagi, s.s. efnis-, mynda- og töfluyfirliti.

• Vinna með töluleg gögn, móta þau og setja fram á myndrænan hátt.

• Nýta möguleika töflureiknis til útreikninga á flókinn máta.

• Stunda örugg netsamskipti og sýna þar gott siðferði.

• Vinna sjálfstætt að verkefnum og í samvinnu við aðra.