UMHV2SB03

Í þessum áfanga er gerð grein fyrir helstu viðfangsefnum sjálfbærni og sjálfbærri þróun. Áfanginn er kenndur í fjarnámi. Náminu er skipt í lotur og kennsla fer fram með glærum, skilaverkefnum og gagnvirkum könnunum. Nemendur fá nákvæmar upplýsingar um kennslugögn og tilhögun námsins í námsáætlun sem fylgir áfanganum í fjarnámskerfinu. Einnig hafa nemendur þar greiðan aðgang að kennara áfangans sem leiðbeinir nemendum þegar þörf krefur.

UMHV1UM02.

Nemandi skal hafa öðlast þekkingu og skilning á:

• Heimsmarkmiðum Sameinuðu Þjóðanna sem fjalla um sjálfbæra þróun og sjálfbærni.

• Hugtökunum sjálfbærri þróun og sjálfbærni og hvað þau merkja í alþjóðlegu samhengi.

• Hvað sjálfbær nýting auðlinda merkir.

• Núverandi stöðu Jarðarinnar og Jarðabúa hvað varðar sjálfbærni.

Nemandi skal hafa öðlast leikni í að:

• Fjalla um álitamál sem varða sjálfbærni í víðum skilningi.

• Tengja saman siðferðisvitund og vitund um orsakir og afleiðingar af gerðum mannsins sem tengjast sjálfbærni.

• Tengja saman ólíkar fræðigreinar hvað varðar sjálfbærni samfélaga.

• Öflun frekari upplýsinga á sjálfstæðan hátt um sjálfbærni og sjálfbæra þróun.

Nemandi skal geta hagnýtt þá almennu þekkingu og leikni sem hann hefur aflað sér til að:

• Tengja undirstöðuþekkingu í sjálfbærni við daglegt líf.

• Taka ábyrgð á eigin lífi með hliðsjón af sjálfbærni samfélaga.

• Skilja samhengi nýtingar auðlinda og áhrifa hennar á lífríki og landslag og þáttar mannsins í þróun umhverfisins.

• Geta greint nauðsynlegar upplýsingar um sjálfbærni og sjálfbæra þróun og geta hagnýtt sér og miðlað þeim upplýsingum í töluðu eða rituðu máli.

• Öðlast heildstæða mynd af vanda sem ógnar framtíð Jarðar og mikilvægi alþjóðahyggju í hvað varðar málefni sem tengjast sjálfbærni.