Fjarnámsáfangi

MENN3MS05

Menningarfræði, menning og samfélag

Áfanginn er framhald af MENN 2EM 05 (eða sambærilegum áfanga).

Sjá nánar um hæfniviðmið í skólanámskrá VÍ. Námsmat kann að vera öðruvísi í fjarnámi og dagskóla.

Trúarbrögð: Hugtök og birtingarmyndir. Fjallað verður um nokkur algeng hugtök sem tengjast trúarbragðafræðum, ekki síst í sögulegu ljósi. Sjónum verður sérstaklega beint að íslam og sambandi trúar og samfélags í Miðausturlöndum.
Suður-Afríka. Lesin er bók skemmtikraftsins Trevors Noah þar sem hann fjallar um æsku sína í S-Afríku á tíma aðskilnaðarstefnunnar.
Menningarheimur eða hugmyndakerfi: Valið í samráði við nemendur.

Nemendur:

Auki með sér skilning á fjölbreytileika ólíkra samfélaga.
Geti gert sér grein fyrir hlutverki menningarlegra og félagslegra þátta í mótun einstaklinga og samfélaga. Í þessu samhengi verður sérstakri athygli beint að trúarbrögðum.
Auki þekkingu sína á völdum þjóðum utan Evrópu og geri sér grein fyrir helstu þáttum í menningu þeirra.
Öðlist aukna færni til að afla sér upplýsinga úr ólíkum miðlum, vinna úr þeim og skila til annarra.
Efli með sér hæfni til sjálfstæðis í hugsun.
Þjálfist í að meta umhverfi sitt og eigin hugmyndir á uppbyggilegan hátt í krafti þekkingar og skarprar hugsunar.