Dönsku konungshjónin heimsækja Sisimut og kynna sér Norður-Atlantshafsbekkinn

Dönsku konungshjónin, Friðrik 10. og María, komu nýverið í heimsókn til Sisimut í Grænlandi, þar sem þau hittu Aviana, nýútskrifaðan stúdent úr Norður-Atlantshafsbekknum. Bekkurinn er einstakt menntaverkefni þar sem nemendur frá Danmörku, Íslandi, Færeyjum og Grænlandi stunda nám saman. Námið fer fram í fjórum mismunandi löndum á þremur árum, þar sem nemendur búa og læra á hverjum stað fyrir sig. Tilgangur heimsóknar konungshjónanna til Sisimut var meðal annars að heimsækja skólann hennar Aviana og kynnast betur starfi Norður-Atlantshafsbekksins, sem hefur það að markmiði að efla menntasamstarf og tengsl milli landanna.

Hér að neðan má sjá myndband frá heimsókninni.