Fjórir Evrópumeistarar í Verzlunarskólanum

Eins og alþjóð veit varð íslenska landsliðið í hópfimleikum Evrópumeistari í greininni um helgina, bæði í kvenna- og stúlknaflokki. Verzlunarskólinn átti fjóra fulltrúa, þrjár í kvennaliðinu og eina í stúlknaliðinu.

Þær Glódís Guðgeirsdóttir (6-R), Rakel Tómasdóttir (6-F) og Sólveig Bergsdóttir (6-U) eru Evrópumeistarar í kvennaflokki og Sara Margrét Jóhannesdóttir (3-U) í stúlknaflokki.

Það þarf ekki að fara mörgum orðum um hve frábær þessi árangur er en Verzlunarskólinn óskar stelpunum innilega til hamingju með þennan glæsilega árangur.

(Smellið á myndirnar til að stækka þær)