Fyrirtækið Netaprent valið fyrirtæki ársins 2024

Fyrirtækjasmiðjan er áfangi á vegum Ungra Frumkvöðla sem kenndur er á þriðja ári. Í áfanganum stofna nemendur fyrirtæki í byrjun annar og starfrækja í þrjá mánuði.

Það var fyrirtækið Netaprent, sem var stofnað í upphafi árs af fjórum nemendum Verzlunarskóla Íslands, þeim Andra Clausen, Erik Gerritsen, Markúsi Heiðari Ingasyni og Róberti Luu, sem bar sigur úr býtum og var valið fyrirtæki ársins 2024. Netaprent framleiðir þrívíddarprentefni sem er unnið úr notuðum fiskinetum.

Netaprent mun keppa fyrir hönd Íslands, í Evrópukeppni Ungra frumkvöðla sem fram fer í Cataniu, Sikiley dagana 2.-4. júlí.

Fleiri fyrirtæki frá Verzló hlutu einnig verðlaun:

Routina – frumlegasti sölubásinn

Frími – öflugasta sölustarfið

Netaprent – áhugaverðasta nýsköpunin

Frími – Samfélagsleg nýsköpun

Hemo growth – besti sjó-bissnessinn

Útilausnir – besta hönnunin

Skólinn óskar öllum vinningshöfunum innilega til hamingju með árangurinn!