22.09.2015

Verið velkomin á foreldrakvöld í Verzló – Bláa sal

VERIÐ VELKOMIN Á FORELDRAKVÖLD Í VERSLÓ

Þriðjudaginn 29. sept. kl. 19.30 býður Foreldraráðið öllum foreldrum í Versló á foreldrakvöld með góðum veitingum, skemmtilegri samveru og fjölbreyttri dagskrá sem er eftirfarandi:

AÐALFUNDUR Foreldrafélagsins

• Hefðbundin aðalfundarstörf skv. lögum félagsins

NFVÍ – Hvað er að gerast í vetur?

• Kynning stjórnar NFVÍ á því sem framundan er í félagslífinu í vetur

FRÍMÍNÚTUR (hlé)

• Tækifæri til tengslamyndunar yfir kaffibolla, gosi og góðum veitingum

„Jákvæð samskipti“ – fyrirlestur

• Páll Ólafsson, félagsráðgjafi og fimm barna faðir verður með áhugaverðan en umfram allt skemmtilegan fyrirlestur um samskipti foreldra og unglinga. Hann veltir m.a. upp spurningunum: Hvað ber að varast, hvernig næ ég sambandi, hvað á ég að segja? Fyrirlestur Páls hefur hlotið mikið lof foreldra en efnistök hans og ábendingar þykja afar gagnlegar enda oft flókin áskorun bæta og brýna samskiptamynstrið.

DAGSKRÁRLOK – áætluð um kl. 22.00

Um leið og við hvetjum alla foreldra að fjölmenna á Foreldrakvöldið, fræðast og hafa gaman saman, vekjum við athygli á því að „Foreldraráðsglugginn“ hefur nú verið opnaður. Þetta þýðir að sjálfsögðu frábært tækifæri fyrir hressa foreldra að gefa kost á sér í stjórnina í stað þeirra sem nú ljúka störfum.  Hægt er að senda okkur skilaboð í gegnum FB síðu Foreldrafélagsins, senda formanni Foreldraráðsins tölvupóst á netfangið mariabjorkoskars@gmail.com eða gefa sig fram á sjálfum aðalfundinum. Þeir sem vilja hjálpa til við ballgæslu á einu balli eða svo í vetur geta gert það með sama hætti.

Bestu kveðjur og HLÖKKUM TIL  að sjá ykkur sem flest á Foreldrakvöldinu.

FORELDRARÁÐIÐ