Viðveruskráning nemenda

Öll veikindi eru skráð í gegnum INNU.
Forráðamenn skrá veikindi fyrir nemendur yngri en 18 ára.
Nemendur 18 ára og eldri skrá sjálfir veikindi í INNU.
Skólafulltrúi samþykkir veikindaskráningar – frádráttur vegna veikinda er 0,5 fyrir hverja kennslustund. Frá og með þriðja degi eru veikindin án frádráttar.
Ef um langvarandi veikindi er að ræða er hægt að óska eftir sér skráningu á veikindum með því að forráðamenn sendi vottorð eða frekari upplýsingar á skólann í gegnum verslo@verslo.is eða hafa samband við námsráðgjafa. Á þetta við um alla nemendur óháð aldri þeirra.

Sótt er um öll leyfi í gegnum INNU.
Forráðamenn sækja um leyfi fyrir nemendur yngri en 18 ára.
Nemendur 18 ára og eldri geta sjálfir sótt um leyfi í gegnum INNU.
Þegar óskað er eftir leyfi þarf ávallt að skrá ástæðu. Á þetta jafnt við um staka tíma og heila daga.
Skólafulltrúi samþykkir leyfisóskir í gegnum INNU. Frádráttur vegna leyfis er 0,5 fyrir hverja kennslustund.
Sé óskað um leyfi lengur en 2 daga verður að senda formlega leyfisbeiðni á netfangið verslo@verslo.is.

Nemendur sem fara í keppnisferðir á vegum landsliða geta óskað eftir að leyfi þeirra verði án frádráttar. Leyfisósk þarf að koma frá viðkomandi sérsambandi á netfangið verslo@verslo.is.

Nemandi sem mætir of seint í tíma fær 0,25 í frádrátt fyrir hverja kennslustund. Seinkoma miðast við 1-10 mínútur. Eftir það er fjarvist skráð í kladda.

Nemendur sem eru fjarverandi úr skóla vegna veikinda er boðið upp á að taka sjúkrapróf ef slík eru í áfanganum. Þá er reynt eins og hægt er að taka tillit til verkefnaskila. Misjafnt er þó á milli deilda hvernig námsmat einstaka áfanga er og þarf því ávallt samtal að eiga sér stað milli nemenda og kennara varðandi nánari útfærslu.
Nemendur sem óska eftir leyfi í stökum tímum eða heila daga geta ekki ætlast til að fá boð um að taka sjúkrapróf eða að tillit sé tekið til verkefnaskila vegna fjarveru.

Nemendur sem mæta vel eiga kost á mætingareiningu fyrir hverja önn. Þeir nemendur sem ná 95% mætingu fá mætingareiningu. Alls er hægt að fá 6 mætingareiningar á námstímanum sem nýtast sem aukaeiningar.