1. fundur 2023 - 4. september

Mættir:

Gísli Örn Bragason, Katrín Jónsdóttir, Helga Vigdís Thordersen, Lóa María Jónsdóttir, Guðrún Inga Sívertsen og Þorkell H. Diego, sem ritar fundargerð. 

Fjarverandi: Gunnar Mogensen Árnason. 

Dagskrá fundar: 

• Skipan skólaráðs. 
• Hlutverk skólaráðs.
• Verkefni skólaráðs veturinn 2023-2024. 
• Erindi til skólaráðs. 
• Próftafla haustannar.
• Önnur mál. 

Skipan skólaráðs:

Skólaráð er skipað tveimur fulltrúum kennara, tveimur fulltrúum stjórnenda og tveimur fulltrúum nemenda.  

Hlutverk skólaráðs:

Hlutverk ráðsins er að fjalla um skólareglur, félagslíf nemenda, umgengni í skólanum, vinnu- og félagsaðstöðu nemenda, stefnumótun skólans auk annarra mála sem vísað er til skólaráðs.  

Verkefni skólaráðs veturinn 2023-2024:

Ræddar voru hugmyndir um skólaþing á vorönn. Fundarmenn voru áhugasamir um að halda slíkt þing. 

Erindi til skólaráðs:

Engin formleg erindi hafa borist skólaráði en hægt er að senda inn erindi á netfangið skolarad@verslo.is 

Próftafla haustannar:

Farið var yfir próftöfluna og þær breytingar sem gerðar hafa verið varðandi fjölda lokaprófsáfanga og símatsáfanga á öllum brautum og línum. Fyrirkomulagið er nú þannig að allir bekki fara í 3-4 lokapróf á prófatíma. Próftaflan mun nú fara í birtingu til nemenda og hagsmunaráð nemenda tekur á móti athugasemdum og safnar þeim saman. Í framhaldinu fundar hagsmunaráð með kennslustjóra staðnáms sem fer yfir athugasemdirnar og gerir breytingar á töflunni sé það hægt. 

Önnur mál:

Fulltrúar nemenda lögðu fram beiðni um frí í fyrsta tíma eftir böll. Samþykkt var að frí verður í fyrsta tíma þegar stór böll eru en að öðru leyti er kennt samkvæmt stundaskrá þegar minni viðburðir eru á dagskrá.