2. fundur 2021 - 4. nóvember

Mættir:

Agnes Helga Gísladóttir, Mira Esther Kamallakaharan, Rut Tómasdóttir, Kári Freyr Kristinsson, Unnur S. Eysteinsdóttir, Guðrún Inga Sívertsen og Þorkell H. Diego ritar fundargerð

Dagskrá fundarins:

• Skólaþing.
• Stundatafla vorannar.
• NGK bekkurinn.
• Önnur mál.

Skólaþing:

Guðrún Inga Sívertsen rifjar upp efni skólaþings (samskiptasáttmálinn) sem haldið var 2019 en náðist ekki að klára vegna Covid faraldursins. Stefnt er að því að halda áfram með þessa vinnu á næsta skólaþingi sem haldið verður snemma í janúar. Fundarmenn eru almennt ánægðir með þessa áætlun.

Stundatafla vorannar:

Guðrún Inga Sívertsen kynnir fyrirhugaðar breytingar á stundatöflu sem miðar að því að seinka upphafi kennslu á morgnana. Skv. nýrri stundatöflu hefst kennsla kl. 8:30 í stað 8:15. Fundarmenn tóku vel í þessar breytingar.

NGK bekkurinn:

Guðrún Inga Sívertsen fer yfir fyrirhugaða komu NGK bekkjarins og óskar eftir því að skapað verði rými  fyrir þessa nemendur í félagslífinu með einhverjum hætti og þess gætt að þau fái upplýsingar um það sem er að gerast í félagslífinu á hverjum tíma. Agnes stingur upp á að lífsleiknitímar verði notaðir til þess að efla tengslanet NGK bekkjarins. Nokkur umræður skapaðist um.

Önnur mál:

Hagsmunaráð ætlar að vekja athygli á próftöflunni sem er á heimasíðunni. Kári Freyr fer yfir það sem eru á döfinni í félagslífinu: Örkin kemur út í næstu viku, Viljinn er að koma út í þar næstu viku og svo er Vælið 14. nóvember. Guðrún Inga Sívertsen biður um aðstoð nemenda við að bæta umgengnina og vera meðvitaða um að ganga frá eftir sig. Nokkur umræða skapaðist um leiðir til þess að ná til nemenda og að fá kennara með í lið.

Fundi slitið kl. 12:55