2. fundur 2023 - 6. nóvember

Mættir:

Gísli Örn Bragason, Katrín Jónsdóttir, Gunnar Mogensen Árnason, Helga Vigdís Thordersen, Lóa María Jónsdóttir, Guðrún Inga Sívertsen og Þorkell H. Diego, sem ritar fundargerð.

Dagskrá fundar:

• Erindi til skólaráðs.
• Skólaþing.
• Gleði- og forvarnardagurinn.
• Önnur mál.

Erindi til skólaráðs:

• Óskað var eftir stoðtímum í efnafræði. Búið er að verða við því.
• Miðasala á viðburði innan nemendafélagsins. Bent var á óþægindi sem hlýst af því að miðasala opni á meðan á kennslu stendur. Nemendur hafa ekki alltaf aðgang að símum í tímum og því væri betra að opna miðasölu t.d. í hádegishléi.
• Fyrirspurn kom frá nemendum varðandi lokapróf í Hönn2SM05 þar sem áfanginn er kenndur sem valgrein og upplýsingar nemenda voru að áfanginn væri símatsáfangi. Áfanginn er jafnframt skilgreindur á nýsköpunar- og listabraut. Ástæðan fyrir því að áfanginn er í próftöflu var rædd en í ljósi þess að kennarinn hefur breytt því hvernig lokanámsmatið fer fram, og er ekki lengur eiginlegt lokapróf, þá telst málinu lokið.

Skólaþing:

GunnInga útskýrir framkvæmd skólaþings fyrir nefndarmönnum og kallar eftir umræðuefnum. Gunnar leggur til að stofubreytingar og nýju útgáfuna af próftöflunni. Einnig voru nefndarviðtöl rædd og hvernig mætti bæta þau og auka aðgengi fleiri í nefndirnar. Kallað er eftir því að skólaráðsmeðlimir ræði við sitt fólk og sjái hvað brenni á fólki hér innan húss og gæti átt erindi á skólaþing.

Gleði- og forvarnardagurinn:

Fyrirkomulag gleði- og forvarnadagsins var rætt. Nefndarmenn eru sammála um að fyrirkomulagið hafi verið gott og vilja gjarnan halda því áfram. Óskað var eftir málefnum sem gætu vakið áhuga auk aðstoðar við framkvæmdina.

Efni sem stungið var upp á: Kilroy, lýðháskólar, Stígmót, Unicef.

Önnur mál:

Miðannarmat var rætt og lýstu nemendur ánægju sinni með að fá meiri skriflega umsögn en þeir hafa áður fengið.

Vetrarfríið var rætt og nemendur lýstu yfir ánægju sinni með það og sérstaklega að hafa ekki misst úr skóla vegna valgreinaferða.